Biylǵy Halyqaralyq balalardy qorǵaý kúni «Astana Operanyń» teatraldyq stýdiiasynyń bes jyldyq mereitoiymen tuspa-tus kelýde. 1 maýsym kúni «Astana Opera» Kameralyq zalynyń sahnasynda teatraldyq stýdiianyń tárbielenýshileri arnaiy merekelik baǵdarlama usynbaq.
- Shamamen eki ai boiy osy kontsertke daiyndyq júrgizilip keldi. Jańa baǵdarlamaǵa ártúrli nómirlerdi, sonyń ishinde J.Bizeniń «Karmen» operasynan marsh, «Iapyrai» qazaq halyq áni, sonymen qatar jaqyn arada Úlken zal sahnasynda tusaýy kesiletin Dj.Pýchchinidiń «Týrandot» operasynan úzindiengizdik. V teatr maýsymynyń repertýaryn da ishinara kórsetetin bolamyz. Stýdiiamyzdyń ashylǵan sátinen bastan kúni búginge deiin shyǵarmashylyqpen ainalysatyn balalar, sondai-aq sońǵyeki-úsh jylda kelip qosylǵan balalar da bar. «Astana Opera»sahnasyndaóner kórsetip, tálim alyp jatqan Balalar stýdiiasynyń tárbielenýshileri osy bes jyl ishindeujymnyń qarqynyn arttyrýda. Balalarda asqaq ónerge degen umtylys bar, kópshiligi aldaǵy ýaqyttaǵy qyzmetterin teatrmen bailanystyryp, ózderi úshin osylai sheshim qabyldap qoiǵan,- dedi hor stýdiiasynyń jetekshisi Altynǵanym Ahmetova.
Bul kontsertte birneshe ul bala alǵash ret jeke nómirlermen óner kórsetetin bolady. Kishi toptaǵy uldar italian ánshisiRobertino Lorettidiń repertýarynan tanymal Santa Lucia, O sole mio, Funiculi funikula jáne taǵy basqa týyndylardy oryndaidy. Jasy úlken toptaǵy qyzdar kúrdeli baǵdarlama daiarlaǵan, olar kóp daýyspen shyrqalatyn shyǵarmalardy usynady. Balet stýdiiasynyń jas ártisteri keń aýqymdy baǵdarlama ázirlegen. «Sholpy» qazaq halyq bii, I.Baierdiń «Qýyrshaqtar perisi» baletinen variatsiia, L.Minkýstyń «Baiaderka» baletinen polka, L.Minkýstyń «Don Kihot» baletinen Kitridiń variatsiiasy jáne ózge de nómirler keshtiń kórkin qyzdyra túspek.
«Astana Opera» Balalar stýdiiasynyń maqsaty – balalardyń óz shyǵarmashylyq áleýetin ashyp, darynyn damyta alýy.
- Alǵashqy mereitoida jas ártister úlken jetistikterge qol jetkizdi: qazirgi tańda stýdiia tárbielenýshileri Qazaqstannyń, alys-jaqyn shetelderdińjoǵary oqý oryndarynda bilim alyp jatyr. Jas ánshiler men bishiler eresek ártistermen birge kontsertttik baǵdarlamalarǵa, spektaklderge qatysyp, tipti gastroldik saparlarǵa da shyǵady. Stýdiiada ónerge degen qyzyǵýshylyǵy mol, sahnalyq daryny men mýzykalyq qabileti bar balalar bilim alýda. Stýdiianyń eń jas qatysýshysylary búginde 7 jasta. Balalardyń tulǵa retinde qalyptasýyna kómek berý biz úshin óte mańyzdy. Eger bala sanaly ómirindeártis nemese mýzykant mamandyǵyn tańdaityn bolsa, ol úlken tabystarǵa jetedi, al eger bul jolǵa túspese, onda olar basqa salalarda jetistikterge ie bolary sózsiz, sebebi balalyq shaǵynda qalyptasa bastaǵan akterlik sheberliktiń arqasynda ol ózin erikti ári erkin sezine alady.Osynyń bári oǵan eseigen shaǵynda biik shyńdardy baǵyndyryp, talai asýlardy alýyna kómektesedi,- dep túsinik berdi «Astana Opera» teatrynyń rejisseri Natalia Kagadii.
Kórermender Dj.Pýchchinidiń «Bogema», «Toska», J.Bizeniń«Karmen», sondai-aq E.Brýsilovskiidiń «Qyz Jibek», M.Tólebaevtyń «Birjan – Sara» operalarynan hor stýdiiasynyń tárbielenýshilerin kóre alady,al balet stýdiiasynyń jetkinshekteri «Don Kihot» qoiylymynda aty ańyzǵa ainalǵan milandyq La Skala teatry ártisterimen, sonymen qatar Mariin teatrynyń gastroli aiasynda Rihard Vagnerdiń «Rein altyny» operasyndamaitalmandarmen birge sahnada óner kórsetti. Hor jáne balet stýdiiasynyń tárbielenýshileri simfoniialyq orkestrmen, sonymen birge eresek ártistermen birge tuńǵysh ret «Per Giýnttiń saiahaty» atty biregei jobasyna qatysqan.
Hor stýdiiasynyń jetekshisi – Altynǵanym Ahmetova, balet jetekshisi – Ámina Álieva. «Astana Opera» teatrynyń rejisseri, balalar teatraldyq stýdiiasynyń akterlik sheberlik sabaqtarynyń oqytýshysy – Natalia Kagadii.
