Sońǵy jyldary Jaiyqtyń sýy eki ese azaiyp qalǵan. Sý máselesin sheshý úshin memleketaralyq baǵdarlama jasaý kerek. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy "Ult aqparat".
«Jaiyqtaǵy sý deńgeiiniń túsip ketýi - ózekti másele. Sońǵy jyldary sý deńgeii eki ese azaiyp ketti. Bul máselege qatysty ózimiz sheshim qabyldai almaimyz», - dedi Ǵali Esqaliev.
Ol Senat tóraiymy Dariǵa Nazarbaeva men QR Prezidenti Qasym-Jomart Toqaev jaqynda RF Prezidentimen kezdeskende osy máseleni kótergenin aitty.
«RF Prezidenti bul máseleni jedel sheshý kerek ekenin aityp, qoldaǵan. Qarasha aiynyń sońynda taǵy komissiia otyrysy bolady, sol jerde bir sheshimge kelemiz. Bul máseleni sheshý úshin eki el arasynda memleketaralyq baǵdarlama jasaý kerek», - deidi ol.
