سوڭعى جىلدارى جايىقتىڭ سۋى ەكٸ ەسە ازايىپ قالعان. سۋ مەسەلەسٸن شەشۋ ٷشٸن مەملەكەتارالىق باعدارلاما جاساۋ كەرەك. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە ايتىلدى, دەپ حابارلايدى "ۇلت اقپارات".
«جايىقتاعى سۋ دەڭگەيٸنٸڭ تٷسٸپ كەتۋٸ - ٶزەكتٸ مەسەلە. سوڭعى جىلدارى سۋ دەڭگەيٸ ەكٸ ەسە ازايىپ كەتتٸ. بۇل مەسەلەگە قاتىستى ٶزٸمٸز شەشٸم قابىلداي المايمىز», - دەدٸ عالي ەسقاليەۆ.
ول سەنات تٶرايىمى داريعا نازارباەۆا مەن قر پرەزيدەنتٸ قاسىم-جومارت توقاەۆ جاقىندا رف پرەزيدەنتٸمەن كەزدەسكەندە وسى مەسەلەنٸ كٶتەرگەنٸن ايتتى.
«رف پرەزيدەنتٸ بۇل مەسەلەنٸ جەدەل شەشۋ كەرەك ەكەنٸن ايتىپ, قولداعان. قاراشا ايىنىڭ سوڭىندا تاعى كوميسسييا وتىرىسى بولادى, سول جەردە بٸر شەشٸمگە كەلەمٸز. بۇل مەسەلەنٸ شەشۋ ٷشٸن ەكٸ ەل اراسىندا مەملەكەتارالىق باعدارلاما جاساۋ كەرەك», - دەيدٸ ول.
