Májilis depýtattary Jaiyqtaǵy balyqtyń jappai qyrylý problemasyn kóterip, Bas prokýror Qairat Qojamjarovqa saýal joldady, dep habarlaidy Baq.kz agenttigi.
Májilismen Artýr Platonov buǵan deiin parlament depýtatattary Úkimetten osy máseleni suraǵany jaily, biraq áli kúnge deiin naqty aqparattyń joqtyǵy týraly aitty. Platonov ózendi óli balyqtardan tazartý kerektigin atap ótti, sebebi bul úlken apatqa ákelýi múmkin.
«Buǵan qosa, halyqtyń da osy balyqtan ziian shekpeitinine eshqandai kepildik joq. AShM Veterinarlyq baqylaý jáne qadaǵalaý komiteti zertteýleriniń nátijesinde balyqtyń ammiaktan ýlanǵany anyqtaldy. Biraq bul boljamdardyń biri ǵana. Atyraý oblystyq óńirlik inspektsiia balyqtyń jappai qyrylýyna bailanysty eki qylmystyq is qozǵady. Degenmen áli kúnge deiin kásiporyndarda, iesiz jáne apatty munai ken oryndarynda tekserýler júrip jatyr. Eshqandai resmi qorytyndy joq. Quzyrly organdar esh aqparat bermedi. Al bul, óz kezeginde, halyqqa durys málimetti jetkizýge, túrli qaýesettiń taralýyna jol bermeýge múmkindik berýshi edi. Buǵan qosa, tonnalap balyq ólgen sýdy jergilikti halyqtyń paidalanýy qanshalyqty qaýipsiz degen suraq týyndaidy», - dedi Artýr Platonov.
Depýtattyń aitýynsha, kún jylynǵandyqtan óli balyqtar sýdyń betine qalqyp shyǵyp jatyr. Artýr Platonov Jaiyq ózeni tazalanyp jatqanyn jáne eki kúnde jarty tonna óli balyq jinalǵanyn da aitty.
«Qairat Perneshuly, joǵaryda aitylǵandardyń negizinde tergeý barysyn jeke baqylaýyńyzǵa alýyńyzdy suraimyz», - dedi depýtattardyń atynan sóz alǵan Artýr Platonov.
Atap ótsek, keshe QR Aýyl sharýashylyǵy ministri Saparhan Omarov Jaiyq ózenindegi balyqtardyń qyrylýyna qatysty túsinikteme bergen bolatyn.
