«Atyraý sý arnasy» kommýnaldyq memlekettik kásiporny quramynda hlory kóp sýdy Jaiyq ózenine aǵyzýy balyqtyń qyrylýyna sebep bolǵan. Bul jaiynda QR Ishki ister ministrliginen málim etti, dep habarlaidy QazAqparat tilshisi.
Osy jyldyń 28 mamyrynda QR Ishki ister ministrligi sotqa deiingi tergeý sharalaryn aiaqtap, protseske qatysýshylardy qylmystyq istiń materialdarymen tanystyrýdy bastaǵan. Tergeý sharalary barysynda «Atyraý sý arnasy» KMK quramynda hlory kóp sýdy Jaiyq ózenine aǵyzýy balyqtardyń qyrylýyna sebep bolǵany anyqtalǵan.
«Qazirgi ýaqytta direktor, onyń orynbasary jáne «Atyraý sý arnasy» MKK sý tazartý stansasynyń bastyǵy QR QK 328-baby, 3-bólimi (sýdyń ústińgi qabatyn lastaý, sonyń saldarynan qorshaǵan ortaǵa asa iri mólsherde ziian tigizý) jáne QK 204-baby, 2-bólimi (bótenniń múlkin joiý, asa iri mólsherde ziian keltirý) boiynsha kúdikti dep tanyldy. Sondai-aq kásiporyn basshysyna qatysty qosymsha QK 371-baby (uqypsyzdyq) boiynsha qylmystyq is tirkeldi», - dep atap ótti ministrlikten.
Buǵan deiin Jaiyqtaǵy balyqtardyń jappai qyrylý faktisi boiynsha Atyraý oblystyq politsiia departamenti 2 qylmystyq isti tirkep, olar QR IIM tergeý departamentine berilgenin habarlaǵan edik.
