«اتىراۋ سۋ ارناسى» كوممۋنالدىق مەملەكەتتٸك كەسٸپورنى قۇرامىندا حلورى كٶپ سۋدى جايىق ٶزەنٸنە اعىزۋى بالىقتىڭ قىرىلۋىنا سەبەپ بولعان. بۇل جايىندا قر ٸشكٸ ٸستەر مينيسترلٸگٸنەن مەلٸم ەتتٸ, دەپ حابارلايدى قازاقپارات تٸلشٸسٸ.
وسى جىلدىڭ 28 مامىرىندا قر ٸشكٸ ٸستەر مينيسترلٸگٸ سوتقا دەيٸنگٸ تەرگەۋ شارالارىن اياقتاپ, پروتسەسكە قاتىسۋشىلاردى قىلمىستىق ٸستٸڭ ماتەريالدارىمەن تانىستىرۋدى باستاعان. تەرگەۋ شارالارى بارىسىندا «اتىراۋ سۋ ارناسى» كمك قۇرامىندا حلورى كٶپ سۋدى جايىق ٶزەنٸنە اعىزۋى بالىقتاردىڭ قىرىلۋىنا سەبەپ بولعانى انىقتالعان.
«قازٸرگٸ ۋاقىتتا ديرەكتور, ونىڭ ورىنباسارى جەنە «اتىراۋ سۋ ارناسى» مكك سۋ تازارتۋ ستانساسىنىڭ باستىعى قر قك 328-بابى, 3-بٶلٸمٸ (سۋدىڭ ٷستٸڭگٸ قاباتىن لاستاۋ, سونىڭ سالدارىنان قورشاعان ورتاعا اسا ٸرٸ مٶلشەردە زييان تيگٸزۋ) جەنە قك 204-بابى, 2-بٶلٸمٸ (بٶتەننٸڭ مٷلكٸن جويۋ, اسا ٸرٸ مٶلشەردە زييان كەلتٸرۋ) بويىنشا كٷدٸكتٸ دەپ تانىلدى. سونداي-اق كەسٸپورىن باسشىسىنا قاتىستى قوسىمشا قك 371-بابى (ۇقىپسىزدىق) بويىنشا قىلمىستىق ٸس تٸركەلدٸ», - دەپ اتاپ ٶتتٸ مينيسترلٸكتەن.
بۇعان دەيٸن جايىقتاعى بالىقتاردىڭ جاپپاي قىرىلۋ فاكتٸسٸ بويىنشا اتىراۋ وبلىستىق پوليتسييا دەپارتامەنتٸ 2 قىلمىستىق ٸستٸ تٸركەپ, ولار قر ٸٸم تەرگەۋ دەپارتامەنتٸنە بەرٸلگەنٸن حابارلاعان ەدٸك.
