Jaiyq ózeninen óli balyqtar tabyldy, dep habarlaidy "Ult aqparat".
Óli balyqtar Jaiyq ózenindegi Atyraý munai óńdeý zaýytynyń toǵanynan tabylǵan. Bul oqiǵany Atyraý oblystyq orman sharýashylyǵy jáne janýarlar dúniesi aýmaqtyq inspektsiiasy rastady. Áleýmettik jelide taraǵan video jazbalardan belgili bolǵandai muz astynan óli balyqtar shyǵyp qalǵan.
Oqiǵaǵa qatysty tergeý jumystary júrgizilip jatyr.
Alaida atalǵan aýmaqtan sý synamasy kúnde alynady eken. Oǵan himiialyq taldaýdy úsh mekeme júrgizedi. 19 jeltoqsanǵa deiin ziiandy zattardyń shekti ruqsat etilgen kontsentratsiiasy shamadan aspaǵan.
Eske salsaq, ótken jyldyń jeltoqsan aiynyń basynda Atyraý qalasynyń syrtyndaǵy Peretask shaǵyn ózeninde balyqtardyń jappai qyrylý oqiǵasy tirkelgen edi.
Arada apta ótpei Atyraý oblysyndaǵy Jaiyq ózeninde balyqtardyń jappai qyrylǵany anyqtalǵan. Aita keteiik, Atyraýda Jaiyq ózenin balyq ólekselerinen tazartý sharalary qolǵa alyndy.
