جايىق ٶزەنٸنەن ٶلٸ بالىقتار تابىلدى, دەپ حابارلايدى "ۇلت اقپارات".
ٶلٸ بالىقتار جايىق ٶزەنٸندەگٸ اتىراۋ مۇناي ٶڭدەۋ زاۋىتىنىڭ توعانىنان تابىلعان. بۇل وقيعانى اتىراۋ وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى راستادى. ەلەۋمەتتٸك جەلٸدە تاراعان ۆيدەو جازبالاردان بەلگٸلٸ بولعانداي مۇز استىنان ٶلٸ بالىقتار شىعىپ قالعان.
وقيعاعا قاتىستى تەرگەۋ جۇمىستارى جٷرگٸزٸلٸپ جاتىر.
الايدا اتالعان اۋماقتان سۋ سىناماسى كٷندە الىنادى ەكەن. وعان حيمييالىق تالداۋدى ٷش مەكەمە جٷرگٸزەدٸ. 19 جەلتوقسانعا دەيٸن زيياندى زاتتاردىڭ شەكتٸ رۇقسات ەتٸلگەن كونتسەنتراتسيياسى شامادان اسپاعان.
ەسكە سالساق, ٶتكەن جىلدىڭ جەلتوقسان ايىنىڭ باسىندا اتىراۋ قالاسىنىڭ سىرتىنداعى پەرەتاسك شاعىن ٶزەنٸندە بالىقتاردىڭ جاپپاي قىرىلۋ وقيعاسى تٸركەلگەن ەدٸ.
ارادا اپتا ٶتپەي اتىراۋ وبلىسىنداعى جايىق ٶزەنٸندە بالىقتاردىڭ جاپپاي قىرىلعانى انىقتالعان. ايتا كەتەيٸك, اتىراۋدا جايىق ٶزەنٸن بالىق ٶلەكسەلەرٸنەن تازارتۋ شارالارى قولعا الىندى.
