2018 jyldyń jeltoqsanynan beri Jaiyq ózeninen 87,7 tonna óli balyq jiylyp alynǵan. Bul týraly QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Feisbýktegi paraqshasynda jazdy, dep habarlaidy "Ult aqparat".
«QR Aýyl sharýashylyǵy ministrligi veterinarlyq qadaǵalaý jáne baqylaý komitetiniń laborotoriialyq zertteý nátijesi negizinde belgili bolǵandai, balyqtardyń qyrylýyna ammiaktyń ýytty áseri sebep bolǵan. Balyqtardy patologoanatomiialyq soiý kezinde osy qorytyndy jasalyp otyr. Atyraý oblysynyń ekologiia departamenti 2018 jyldyń 3 jeltoqsanynda Jaiyq ózenindegi sýdyń synamasy tekserilgen edi. Sonyń qorytyndysy boiynsha hloriddiń qoiýlanýynyń múmkin sheginiń asyp ketkeni belgili bolǵan. Balyqtyń nelikten qyrylǵany tergeý amaldary aiaqtalǵannan keiin anyqtalady», - dep habarlaidy Sáken Dildahmet.
Málimetke sai, 2019 jyldyń 20 qańtaryndaǵy kórsetkish boiynsha Oral ózeninen ótken aidan beri 87,7 tonna óli balyq jiylyp alynǵan.
Eske sala ketsek, buǵan deiin Atyraý oblysynda balyqtyń qyrylǵany týraly birneshe aqparat taratqan bolatynbyz. Naqtyraq aitqanda, ótken jyldyń jeltoqsan aiynyń basynda Atyraý qalasynyń syrtyndaǵy Peretask shaǵyn ózeninde balyqtardyń jappai qyrylý oqiǵasy tirkelgen edi.
Arada apta ótpei Atyraý oblysyndaǵy Jaiyq ózeninde balyqtardyń jappai qyrylǵany anyqtalǵan. Ókinishke qarai, jeltoqsanda taǵy da alabuǵa, torman, qylyshbalyq sekildi qara balyqtardyń qyrylǵany týraly aqparat taratqan bolatynbyz.
Osy jaǵdaiǵa bailanysty Atyraý oblystyq orman sharýashylyǵy jáne janýarlar dúniesi aýmaqtyq inspektsiiasy balyqtyń jappai qyrylý faktisi boiynsha qylmystyq is qozǵalatynyn jariia etken edi.
