2018 جىلدىڭ جەلتوقسانىنان بەرٸ جايىق ٶزەنٸنەن 87,7 توننا ٶلٸ بالىق جيىلىپ الىنعان. بۇل تۋرالى قر اشم ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
«قر اۋىل شارۋاشىلىعى مينيسترلٸگٸ ۆەتەرينارلىق قاداعالاۋ جەنە باقىلاۋ كوميتەتٸنٸڭ لابوروتورييالىق زەرتتەۋ نەتيجەسٸ نەگٸزٸندە بەلگٸلٸ بولعانداي, بالىقتاردىڭ قىرىلۋىنا اممياكتىڭ ۋىتتى ەسەرٸ سەبەپ بولعان. بالىقتاردى پاتولوگواناتومييالىق سويۋ كەزٸندە وسى قورىتىندى جاسالىپ وتىر. اتىراۋ وبلىسىنىڭ ەكولوگييا دەپارتامەنتٸ 2018 جىلدىڭ 3 جەلتوقسانىندا جايىق ٶزەنٸندەگٸ سۋدىڭ سىناماسى تەكسەرٸلگەن ەدٸ. سونىڭ قورىتىندىسى بويىنشا حلوريددٸڭ قويۋلانۋىنىڭ مٷمكٸن شەگٸنٸڭ اسىپ كەتكەنٸ بەلگٸلٸ بولعان. بالىقتىڭ نەلٸكتەن قىرىلعانى تەرگەۋ امالدارى اياقتالعاننان كەيٸن انىقتالادى», - دەپ حابارلايدى سەكەن دٸلداحمەت.
مەلٸمەتكە ساي, 2019 جىلدىڭ 20 قاڭتارىنداعى كٶرسەتكٸش بويىنشا ورال ٶزەنٸنەن ٶتكەن ايدان بەرٸ 87,7 توننا ٶلٸ بالىق جيىلىپ الىنعان.
ەسكە سالا كەتسەك, بۇعان دەيٸن اتىراۋ وبلىسىندا بالىقتىڭ قىرىلعانى تۋرالى بٸرنەشە اقپارات تاراتقان بولاتىنبىز. ناقتىراق ايتقاندا, ٶتكەن جىلدىڭ جەلتوقسان ايىنىڭ باسىندا اتىراۋ قالاسىنىڭ سىرتىنداعى پەرەتاسك شاعىن ٶزەنٸندە بالىقتاردىڭ جاپپاي قىرىلۋ وقيعاسى تٸركەلگەن ەدٸ.
ارادا اپتا ٶتپەي اتىراۋ وبلىسىنداعى جايىق ٶزەنٸندە بالىقتاردىڭ جاپپاي قىرىلعانى انىقتالعان. ٶكٸنٸشكە قاراي, جەلتوقساندا تاعى دا الابۇعا, تورمان, قىلىشبالىق سەكٸلدٸ قارا بالىقتاردىڭ قىرىلعانى تۋرالى اقپارات تاراتقان بولاتىنبىز.
وسى جاعدايعا بايلانىستى اتىراۋ وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى بالىقتىڭ جاپپاي قىرىلۋ فاكتٸسٸ بويىنشا قىلمىستىق ٸس قوزعالاتىنىن جارييا ەتكەن ەدٸ.
