Qazaqstan Respýblikasynyń Prezidenti Qasym-Jomart Toqaev 2 naýryzda Qarýly kúshterdiń basshylyǵymen ótken keńeste áskerlerdi qondyrýdyń jańa ádisterin engize otyryp, jaýyngerlik-daiarlyq baǵdarlamasyn qaita qaraýdy tapsyrǵany belgili. Osy baǵytta naqty qandai jumystar júrgizilip jatqany týraly Qazaqstan Qarýly kúshteri Bas shtaby, jaýyngerlik-daiarlyq departamenti basqarmasynyń aǵa-ofitseri, polkovnik Qanatbek Ásemov aityp berdi, – dep habarlaidy «Ult aqparat».
Onyń aitýynsha, qazirgi zamanda jaýyngerlik-daiarlyqtyń maǵynasy - qoiylǵan áskeri tapsyrmalardy soǵys kezinde oryndaý úshin, beibitshilik ýaqytta is-sharalarǵa daiyndaý bolyp tabylady.
«Sonymen qatar qańtardaǵy oqiǵalardy taldaý nátijeleri boiynsha jáne áskeri janjaldardyń tájiribesin, memlekettik qaýipsizdigine tónetin qaýip-qaterlerdi eskere otyryp, Qazaqstan Respýblikasy Qarýly kúshteri jaýyngerlik-daiarlyqtyń baǵdarlamalaryn qaita qaraý qajettiligi týyndady. Áskerlerdi daiarlaý qazirgi kezde jospar boiynsha júrgizilýde. Qazirgi tańda tájiribeler qalada urys júrgizilgen kezde arnaiy maqsattaǵy bólimshelerdi daiarlaý praktikasy, áskeri taktikalyq ózgeris engizildi. Tótenshe jaǵdai rejimin qoldaý máseleleri boiynsha, bólimshe komandirlerimen taktikalyq sabaqtar ótkizildi. Oǵan qosa ushqyshsyz ushý apparattarymen kúres tásilderi ázirlenip, jalpy áskeri bólimshelerdi daiarlaýǵa engizildi», – dedi Qazaqstan Qarýly kúshteri Bas shtaby, jaýyngerlik-daiarlyq departamenti basqarmasynyń aǵa-ofitseri, polkovnik Qanatbek Ásemov.
Polkovniktiń aitýynsha, jaýyngerlik-daiarlyq josparlar men baǵdarlamalaryna qańtar oqiǵalaryn eskere otyryp, quqyqtyq rejimderdi qoldaý jáne júieli negizdeý bólimshelerdi daiarlaý uiymdastyrý úshin, terrorizmge qarsy teraktterge qatysý taqyryby boiynsha ózgerister engizilgen.
«Jaýyngerlik-daiarlyq josparlar men baǵdarlamalaryna ózgerister jeke quramnyń oqytý deńgeiin arttyrý, jáne sonyń saldarynan Qazaqstan Respýblikasy Qarýly kúshteri jaýyngerlik ázirligin arttyrý maqsatynda udaiy ózgerister men tolyqtyrýlar engizilýde. Oqý materialdyq bazasy tolyǵymen paidalanylady», – dedi polkovnik Qanatbek Ásemov.
Esterińizge sala keteiik, Qazaqstan Respýblikasynyń Prezidenti Qasym-Jomart Toqaev 2 naýryzda Qarýly kúshterdiń basshylyǵymen ótken keńeste áskerlerdi qondyrýdyń jańa ádisterin engize otyryp, jaýyngerlik-daiarlyq baǵdarlamasyn qaita qaraýdy tapsyrǵany belgili. Osy baǵytta naqty qandai jumystar júrgizilip jatqany týraly Qazaqstan Qarýly kúshteri Bas shtaby, jaýyngerlik-daiarlyq departamenti basqarmasynyń aǵa-ofitseri, polkovnik Qanatbek Ásemov onlain-brifingte aityp bergen bolatyn. Onyń aitýynsha, qańtardaǵy oqiǵalardy taldaý nátijeleri boiynsha jáne áskeri janjaldardyń tájiribesin, memlekettik qaýipsizdigine tónetin qaýip-qaterlerdi eskere otyryp, Qazaqstan Respýblikasy Qarýly kúshteri jaýyngerlik-daiarlyqtyń baǵdarlamalaryn qaita qaraý qajettiligi týyndaǵan.
