Qyzmetkerlerdiń qateligi nemese aktsionerdiń kinási bar ekenin tekseris nátijesi kórsetedi. Eshkim jaýapkershilikten jaltarmaidy. Ravlodarnews.kz portalyna suhbat bergen Premer-Ministrdiń birinshi orynbasary Roman Skliar osylai málimdedi, dep habarlaidy QazAqparat.
«Monopolisti tutynýshyǵa sapaly qyzmet kórsetýge mindetteitin zań bar. Máselen, monopolist óz qyzmetin sebepsiz, qalaǵan ýyqytynda toqtata almaidy. Eger tarifter tómen bolsa, ol ony dáleldeýi kerek. Tutynýshy úshin qatelikti kim jibergeni mańyzdy emes. Ol tek qyzmetke aqy tóleidi. Eger monopolist tehnikalyq turǵydan nashar jáne tiisti qyzmetti kórsete almaityn bolsa, bul tutynýshynyń emes, onyń máselesi.
Apatqa ne sebep boldy? Qyzmetkerlerdiń qateligi nemese aktsionerdiń kinási boldy ma – ony tekseris nátijesi kórsetedi. Men mynany aitqym keledi: eshkim jaýapkershilikten jaltarmaidy», - dep atap ótti Roman Skliar.
Onyń aitýynsha, apattyń sebebi muqiiat tergeýden keiin jariialanady. Bul oraida Roman Skliar eshqandai aqparattyń jasyryn qalmaitynyn basa aitty.
