Dúniejúzilik densaýlyq saqtaý uiymy 2021 jyldy jatyr moiny qaterli isigimen kúres jyly dep jariialady. Bul týraly QR Densaýlyq saqtaý ministrliginiń bas onkolog dárigeri, qazaq ulttyq onkologiia jáne radiologiia institýtynyń direktory Diliara Qaidarova Instagram paraqshasynda ótken tikelei efirde aitty, dep habarlaidy QazAqparat.
«18 qańtardan bastap jatyr moiny qaterli isigi týraly dúniejúzilik aptalyq bastaldy. 30-70 jas aralyǵyndaǵy árbir áiel jatyr moiny qaterli isiginiń profilaktikasy úshin onkoginekologqa qaralýy kerek. Qazaqstanda bul skrining tegin jasalady. Negizi jylyna bir ret barlyq skriningten ótip turǵan durys. Skrining jasatqan kezde jatyr moiny eroziiasy, displaziia siiaqty aýrý túrleri anyqtalýy múmkin. Munyń bári qaterli isikke deiin bolatyn jaǵdai», - deidi QR Densaýlyq saqtaý ministrliginiń bas onkolog dárigeri Diliara Qaidarova.
Sondai-aq, ol Dúniejúzilik densaýlyq saqtaý uiymy 2021 jyldy jatyr moiny qaterli isigimen kúres jyly dep jariialaǵanyn aitty.
«Jatyr moiny qaterli isigimen kúresý skriningten ótýmen ǵana shektelmeidi, bul dertke qatysty vaktsina egý keerk. Biz vaktsina jetkizýshilermen sóilestik. Ókinishke qarai, vaktsina alýǵa kezekte turǵan memleketter kóp. Qazaqstan da kezekte turǵandar qatarynda. Vaktsina elimizge 2021 jyly kelýi múmkin. ázirge vaktsina bolmaǵandyqtan, turaqty túrde ginekologqa baryp qaralyp turý kerek», - deidi ol.
