Foto: Polisia.kz
Soltústik Qazaqstan oblysynda politsiia qyzmetkerleri sintetikalyq esirtki zattaryn zańsyz ótkizý deregi boiynsha kúdiktini ustady. Bul týraly Polisia.kz habarlady.
Kúdikti – Aqmola oblysynyń 23 jastaǵy jumyssyz turǵyny. Tergeý málimetine sáikes, ol bir aiǵa jetpeitin ýaqyt ishinde psihotroptyq zattardy «jasyryn oryndar» arqyly taratyp kelgen.
Politseiler ony Petropavl qalasyndaǵy Naberejnaia kóshesinde ustaǵan. Tekserý barysynda onyń kózildirik qorabynan untaq tárizdi zat salynǵan 14 orama, al qaltasynan taǵy 60 orama tabylyp, tárkilendi.
Saraptama nátijesinde alynǵan zattyń jalpy salmaǵy 64,1 gramm bolatyn α-PvP sintetikalyq esirtki ekeni anyqtaldy. Bul kólem 200-den 250-ge deiin bir rettik dozanyń zańsyz ainalymǵa túsýine jol bermegen.
Sonymen qatar meditsinalyq tekserý kúdiktiniń psihotroptyq zattardy qoldanǵanyn rastady. Qazirgi tańda bul derek boiynsha sotqa deiingi tergeý júrgizilýde.
Qoldanystaǵy zańnamaǵa sáikes, kúdikti 7 jyldan 12 jylǵa deiin bas bostandyǵynan aiyrylýy múmkin.
