«Jasyl Qazaqstan» ulttyq jobasy osy jyldyń 1 shildesine qarai qabyldanady. Bul týraly Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«Jasyl Qazaqstan» ulttyq jobasy 7 negizgi bólimnen turady: sý nysandaryn saýyqtyrý, aýanyń lastaný deńgeiin tómendetý, qaldyqtardy basqarý, bioalýantúrlilikti saqtaý, eldi kógaldandyrý, energiia tiimdiligi, ekologiialyq bilim jáne ekologiialyq mádenietti arttyrý. Bul aýanyń lastaný deńgeii joǵary 10 qala - Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezqazǵan, Shymkent qalalaryndaǵy jaǵdaidy jaqsartýǵa múmkindik beredi», - dedi ol.
Budan bólek, ministrdiń aitýynsha, 2025 jylǵa qarai sarqyndy sýlardy aǵyzý kólemin tómendetýge qol jetkizýdi, qaldyqtardy qaita óńdeý úlesin aǵymdaǵy 18 paiyzdan 35 paiyzǵa deiin arttyrýdy, sondai-aq eldiń jalpy ishki óniminiń energiia syiymdylyǵyn azaitý josparlanǵan.
«Eki ulttyq jobany ázirleý jáne bekitý jumystary osy jyldyń birinshi shildesine qarai aiaqtalady», - dedi Maǵzum Myrzaǵaliev.
