Foto: QR MAM
Qazaqstanda «Jasyl el» jastar eńbek jasaqtarynyń XXI eńbek maýsymy aiaqtaldy, dep habarlaidy Ult.kz.
Saltanatty rásim Qaraǵandy oblysynda ótti. Oǵan kolledjder men joǵary oqý oryndarynyń stýdentteri, eńbek jasaqtarynda bolǵan jastar jáne óńir turǵyndary – jalpy 3000-ǵa jýyq adam qatysty.
Is-shara aiasynda maýsym boiy jemisti eńbek etken óńirlik shtabtar, sondai-aq jastar resýrstyq ortalyqtary marapattaldy.
Is-sharanyń basty maqsaty – jastar arasynda «Jasyl el» qozǵalysyn nasihattaý, tájiribe almasý, belsendi qaýymdastyq qalyptastyrý jáne bos ýaqytty tiimdi paidalaný.
2025 jyldyń qorytyndysy boiynsha «Jasyl el» baǵdarlamasy aiasynda 34 myńnan astam jas jumyspen qamtyldy, olardyń ishinde shamamen 14 myńy – aýyl jastary. Eń kóp qatysýshylar Astanada tirkeldi. Qatysýshy sany – 5200 adam.
«Jasyl el» baǵdarlamasy 2005 jyldan beri júzege asyp keledi jáne stýdenttik jastar jasaqtarynyń qyzmetin jańǵyrtqan biregei bastama. Baǵdarlama jastardyń jumyspen qamtylýyna, ekologiialyq mádeniettiń qalyptasýyna jáne tabiǵatqa degen jaýapkershilikti arttyrýǵa zor yqpal etedi.
