27 qarashada «Jumys isteitin jastarǵa arnalǵan satyp alý quqyǵynsyz jalǵa beriletin turǵyn úi» baǵdarlamasyna qatysýǵa qujattar tapsyrǵan azamattar arasynda tolyq emes qujattar paketin jibergen qatysýshylar óz ótinimin túzete alady, – dep habarlaidy Nur-Sultan qalasynyń ákimdigi.
«Búgingi tańda 6 304 ótinimniń 2 157-i qujattar paketin tolyq usynbaý sebebinen pysyqtaýǵa qaita joldanady. Smart Astana portalynda tirkelý kezinde kórsetken telefon nómirine ótinim mártebesi týraly «Jumysqa qabyldandy», «Túzetý qajet», «Qaraýdan bas tartyldy» degen SMS habarlama jiberiledi» delingen habarlamada.
Eger ótinim túzetýge jiberilse, biraq qatysýshy osy ýaqyt ishinde tizbe boiynsha jetispeitin qujatty qospasa, qujattardyń tolyq emes paketin usyný sebebi boiynsha ótinim avtomatty túrde qabyldanbaidy.
«Qujattardy baiandaý qajettigi týraly SMS habarlama jiberilgender úshin 26 qarashadan bastap saǵat 10.00-den 23.59-ge deiin qosa beriletin qujattardyń jetispeitin tizbesimen tanysý úshin Smart Astana portalyndaǵy jeke kabinetke kirý jáne 27 qarasha kúni saǵat 00.00-den 23.59-ge deiin ótinimdi túzetý múmkindigi beriledi. Eger ótinim jumysqa qabyldanǵandyǵy týraly habarlama jiberilse, biraq qatysýshy qosymsha qujattardy qosqysy kelse, ol jaǵdaida da ótinimdi túzetý múmkindigi beriledi» delingen habarlamada.
Baǵdarlama talaptaryna sáikes kelmeýine bailanysty «Qaraýdan bas tartyldy» degen SMS habarlama alǵandar portaldan oǵan ne sebep bolǵanyn jeke kabinetinde tanysa alady. Olar ótinimdi túzete almaidy.
«Ótinimdi túzetý úshin myna silteme boiynsha Smart Astana portalyndaǵy jeke kabinetke kirý kerek. Túzetý kezinde ótinim berilgen kún ózgermeidi» delingen habarlamada.
Eske sala ketsek, qarasha aiynyń basynda elordada jastarǵa arnalǵan jaldamaly páterlerdi berýge ótinish qabyldana bastady.
