Foto: moslenta.ru
Áleýmettik jeliler men messendjerlerde Qostanaidaǵy saýda ortalyqtarynda "ChVK Riodan" beiresmi jastar qozǵalysyn qoldaýshylardyń kezdesýi ótetini týraly habarlamalar tarady, - dep habarlaidy Tengrinews.kz saity.
""ChVK Riodan" beiresmi jastar qozǵalysyn qoldaýshylary qara shalbar, uzyn qara shashty jáne órmekshiniń beinesi bar qara fýtbolka kiedi. Bul simvolika tanymal japondyq "Hunter x Hunter" anime seriiasynan alynǵan. Mundai tatý-sýretterdi ondaǵy Órmekshiler tobynyń músheleri jasaǵan. Jalpy, bul anime keiipkerleri ózderiniń jaýyzdyqtarymen erekshelenedi. Erteń osy sýbmádeniettiń jetekshileri ortalyqta "Mart" SO men "Qostanai plaza" SO-da kezdesýdi josparlap otyr. Politsiia tarapynan kúsh qoldaný bolady! Sondyqtan balalaryńyzdy jibermeýińizdi suraimyz. Osy aqparatty 5-11 synyp jetekshileri ata-analarǵa jetkizińizder", - dep jazdy anonimdi messendjerlerde.
Qazir politsiia bul aqparatty tekserip jatyr.
"ChVK Riodan" sýbmádenieti aqpanda reseilik saýda ortalyqtarynda basqa beiresmi toptardyń ókilderimen jappai tóbelesinen keiin keńinen tanymal boldy. Oqiǵalardan soń tutqyndaýlar oryn alyp, politsiia qozǵalysta bolǵan jasóspirimderge reid júrgizdi.
