فوتو: moslenta.ru
ەلەۋمەتتٸك جەلٸلەر مەن مەسسەندجەرلەردە قوستانايداعى ساۋدا ورتالىقتارىندا "چۆك ريودان" بەيرەسمي جاستار قوزعالىسىن قولداۋشىلاردىڭ كەزدەسۋٸ ٶتەتٸنٸ تۋرالى حابارلامالار تارادى, - دەپ حابارلايدى Tengrinews.kz سايتى.
""چۆك ريودان" بەيرەسمي جاستار قوزعالىسىن قولداۋشىلارى قارا شالبار, ۇزىن قارا شاشتى جەنە ٶرمەكشٸنٸڭ بەينەسٸ بار قارا فۋتبولكا كيەدٸ. بۇل سيمۆوليكا تانىمال جاپوندىق "Hunter x Hunter" انيمە سەريياسىنان الىنعان. مۇنداي تاتۋ-سۋرەتتەردٸ ونداعى ٶرمەكشٸلەر توبىنىڭ مٷشەلەرٸ جاساعان. جالپى, بۇل انيمە كەيٸپكەرلەرٸ ٶزدەرٸنٸڭ جاۋىزدىقتارىمەن ەرەكشەلەنەدٸ. ەرتەڭ وسى سۋبمەدەنيەتتٸڭ جەتەكشٸلەرٸ ورتالىقتا "مارت" سو مەن "قوستاناي پلازا" سو-دا كەزدەسۋدٸ جوسپارلاپ وتىر. پوليتسييا تاراپىنان كٷش قولدانۋ بولادى! سوندىقتان بالالارىڭىزدى جٸبەرمەۋٸڭٸزدٸ سۇرايمىز. وسى اقپاراتتى 5-11 سىنىپ جەتەكشٸلەرٸ اتا-انالارعا جەتكٸزٸڭٸزدەر", - دەپ جازدى انونيمدٸ مەسسەندجەرلەردە.
قازٸر پوليتسييا بۇل اقپاراتتى تەكسەرٸپ جاتىر.
"چۆك ريودان" سۋبمەدەنيەتٸ اقپاندا رەسەيلٸك ساۋدا ورتالىقتارىندا باسقا بەيرەسمي توپتاردىڭ ٶكٸلدەرٸمەن جاپپاي تٶبەلەسٸنەن كەيٸن كەڭٸنەن تانىمال بولدى. وقيعالاردان سوڭ تۇتقىنداۋلار ورىن الىپ, پوليتسييا قوزعالىستا بولعان جاسٶسپٸرٸمدەرگە رەيد جٷرگٸزدٸ.
