Qazaqstanda jastardy qoldaýdyń 2021-2025 jyldarǵa arnalǵan keshendi jospary tanystyrylady. Bul týraly Aqparat jáne qoǵamdyq damý vitse-ministri Ashat Oralov málim etti, dep habarlaidy QazAqparat.
«Búgingi tańda Aqparat jáne qoǵamdyq damý ministrligi múddeli memlekettik organdarmen, sonymen birge jergilikti atqarýshy organdarmen, úkimettik emes uiymdarmen birlesip, jastardy qoldaýdyń 2021-2025 jyldarǵa arnalǵan Keshendi josparynyń jobasyn ázirlep jatyr. Osy jyldyń qarasha nemese jeltoqsan ailarynda Ortalyq kommýnikatsialar qyzmetiniń alańynda biz ony tanystyryp, ár pýnktin túsindirsek deimiz. Eń birinshi kezekte jumys baǵdary 2015 jyly qabyldanǵan memlekettik jastar saiasaty týraly zańdy júzege asyrýǵa baǵyttalady. Ol zań jastardy qoldaý men jastar saiasatyn ortalyq jáne aimaqtyq deńgeide júrgizý boiynsha 10 baǵyttan turady. Eger naqty bir usynystar bolsa jastar isi jónindegi komitet arqyly ony biz keshendi josparǵa engizýge daiynbyz», - dedi Ashat Oralov onlain rejimde «Bolashaq» qaýymdastyǵynyń uiymdastyrýymen ótken «Jastar jáne innovatsiialar» forýmynda.
Vitse-ministrdiń aitýynsha, jumys jastardyń jasy boiynsha retteledi. Sebebi QR zańyna sáikes jastar sanatyna 14-28 jas aralyǵyndaǵy azamattar kiredi.
«Biz mektepterde oqityn 14-18 jastaǵy balalarǵa, 18-22 jastaǵy stýdentterge jáne jumys isteitin 23-28 jastaǵy azamattarǵa arnap aiqyndalǵan sharalardy ázirleimiz. «Bolashaq» qaýymdastyǵynyń bastamasymen josparǵa shetelde oqityn jastarǵa arnalǵan «Atameken» atty joba qosylady», - dedi ol.
