Belgili sportshy, London Olimpiadasynyń júldegeri Aqjúrek Tańatarov Qordai aýdany turǵyndaryn arandatý áreketterine ermeýge shaqyrdy, dep habarlaidy "Ult aqparat".
«Jalpy, bizdiń halqymyz qonaqjaily, barshamyzdyń boiymyzda keńshilikti, baýyrmaldyqty tý etip ustanatyn minezimiz bar. Qordai aýdanynyń da turǵyndaryn jaqsy bilemin, mundaida janjalǵa bara bermeitin adamdar. Ókinishke qarai, keleńsiz oqiǵa oryn alypty. «Jaman ult joq, jaman adamdar bar» deidi ǵoi, sol sebepti sabyrsyzdyq tanytqan bir-eki adam úshin mundai qaiǵyly jaǵdaiǵa jol berildi. Osy oraida halqymyzdy, oblystyń ári aýdannyń turǵyndaryn sabyrlyqqa shaqyramyn. Osyndai daý-damaiǵa kirgizgen adamdar óziniń jazasyn alady dep oilaimyn. Prezident tapsyrmasy boiynsha Úkimet komissiiasy quryldy ǵoi. Endi bul baǵytta tártipke salyp, kim qandai jazaǵa tartylatynyn quzyretti organdar óziniń baǵasyn beredi dep oilaimyn», - dedi A. Tańatarov.
Bul turǵyda sportshy óńir jastaryn arandatýshylyq áreketterge ermeýge shaqyrdy.
«Kez kelgen búlikti toqtatýda aqsaqaldarymyzdyń aitqan salmaqty sózi durys bolady dep oilaimyn. Biz úlkenge qurmet kórsetip kele jatqan halyqpyz ǵoi. Sol sebepti aqsaqaldarymyz shyǵyp, sabyrǵa shaqyrsa, tiisti nátije bolady dep paiymdaimyn», - dedi Aqjúrek Tańatarov.
Buǵan deiin Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles bolǵanyn habarlaǵan bolatynbyz.
Kóp ýaqyt ótpei Prezident Qasym-Jomart Toqaev osy oqiǵaǵa qatysty pikir bildirdi.
«Jambyl oblysy Qordai aýdanynda buzaqylyq sipattaǵy jappai tóbeles boldy. Ony arandatýshylar óz paidasyna qoldanbaq bolǵan. Politsiia jaǵdaidy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady», dep jazdy Qasym-Jomart Toqaev Twitter-degi paraqshasynda.
Al búgin Memleket basshysy Jambyl oblysyndaǵy oqiǵaǵa bailanysty málimdeme jasady.
