بەلگٸلٸ سپورتشى, لوندون وليمپياداسىنىڭ جٷلدەگەرٸ اقجٷرەك تاڭاتاروۆ قورداي اۋدانى تۇرعىندارىن ارانداتۋ ەرەكەتتەرٸنە ەرمەۋگە شاقىردى, دەپ حابارلايدى "ۇلت اقپارات".
«جالپى, بٸزدٸڭ حالقىمىز قوناقجايلى, بارشامىزدىڭ بويىمىزدا كەڭشٸلٸكتٸ, باۋىرمالدىقتى تۋ ەتٸپ ۇستاناتىن مٸنەزٸمٸز بار. قورداي اۋدانىنىڭ دا تۇرعىندارىن جاقسى بٸلەمٸن, مۇندايدا جانجالعا بارا بەرمەيتٸن ادامدار. ٶكٸنٸشكە قاراي, كەلەڭسٸز وقيعا ورىن الىپتى. «جامان ۇلت جوق, جامان ادامدار بار» دەيدٸ عوي, سول سەبەپتٸ سابىرسىزدىق تانىتقان بٸر-ەكٸ ادام ٷشٸن مۇنداي قايعىلى جاعدايعا جول بەرٸلدٸ. وسى ورايدا حالقىمىزدى, وبلىستىڭ ەرٸ اۋداننىڭ تۇرعىندارىن سابىرلىققا شاقىرامىن. وسىنداي داۋ-دامايعا كٸرگٸزگەن ادامدار ٶزٸنٸڭ جازاسىن الادى دەپ ويلايمىن. پرەزيدەنت تاپسىرماسى بويىنشا ٷكٸمەت كوميسسيياسى قۇرىلدى عوي. ەندٸ بۇل باعىتتا تەرتٸپكە سالىپ, كٸم قانداي جازاعا تارتىلاتىنىن قۇزىرەتتٸ ورگاندار ٶزٸنٸڭ باعاسىن بەرەدٸ دەپ ويلايمىن», - دەدٸ ا. تاڭاتاروۆ.
بۇل تۇرعىدا سپورتشى ٶڭٸر جاستارىن ارانداتۋشىلىق ەرەكەتتەرگە ەرمەۋگە شاقىردى.
«كەز كەلگەن بٷلٸكتٸ توقتاتۋدا اقساقالدارىمىزدىڭ ايتقان سالماقتى سٶزٸ دۇرىس بولادى دەپ ويلايمىن. بٸز ٷلكەنگە قۇرمەت كٶرسەتٸپ كەلە جاتقان حالىقپىز عوي. سول سەبەپتٸ اقساقالدارىمىز شىعىپ, سابىرعا شاقىرسا, تيٸستٸ نەتيجە بولادى دەپ پايىمدايمىن», - دەدٸ اقجٷرەك تاڭاتاروۆ.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ وسى وقيعاعا قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
