QR Prezidenti Nursultan Nazarbaev «Diplommen aýylǵa» baǵdarlamasyn damytýdy tapsyrdy, dep habarlaidy "Ult aqparat".
Prezidenttiń aitýynsha, búginde halyqtyń aýyldan qalaǵa kóshý qarqyny qatty bolsa da, aýyl jastarynyń úlesi áli de joǵary - 43 protsent. Ótken jyly on bir aidyń ishinde elimizde aýyldan qalaǵa kóshken jastardyń sany 220 myńnan asty.
«Sondyqtan Úkimet pen ákimdikter jastardyń bilim alýyna, jumysqa ornalasýyna, demalys jáne basqa da máselelerin júieli sheshýge kúsh salýy qajet. «Aýyl - el besigi» jobasy aiasynda infraqurylymdy damytyp, jergilikti jerlerdiń kadrlyq áleýetin kúsheite túsýimiz kerek. Bizde «Diplommen aýylǵa» degen baǵdarlama bar. Osynyń tizimin keńeitýdi usynamyn. Aýylǵa kóship barǵany úshin jastardyń járdemaqysy buryn 70 ailyq eseptik kórsetkish bolsa, sony 100 ailyq eseptik kórsetkishke deiin kóterý kerek», - dedi N.Nazarbaev Jastar jylynyń saltanatty ashylý rásiminde.
Osy oraida Memleket basshysy aýyl sharýashylyǵymen keńinen ainalysýǵa úndedi. Sebebi qazirgi ýrbanizatsiiaǵa qaramastan, azyq-túlik ónimderine degen suranys eshqashan tómendemeidi. Al ondai ónimderdiń basym bóligi aýyldy jerlerde óndiriledi.
Aita keteiik, elordadaǵy «Nur álem» pavilonynda Elbasy Nursultan Nazarbaevtyń qatysýymen «Táýelsizdik urpaqtary» atty jastar jylynyń saltanatty ashylý rásimi ótip jatyr.
QR Prezidenti Nursultan Nazarbaev Qazaqstan halqyna ótken jylǵy Joldaýynda 2019 jyldy Jastar jyly dep jariialaýdy usynǵan bolatyn. Prezident óz sózinde jastardyń barlyq sanatyn qoldaýǵa arnalǵan sharalardy tolyq qamtityn áleýmettik satynyń aýqymdy platformasyn qalyptastyrý kerektigin aitqan edi. Al, arada bir aidan astam ýaqyt ótkende Elbasy Jarlyǵymen 2019 jyl Jastar jyly dep jariialandy.
.jpeg)