Bul týraly Ortalyq kommýnikatsiialar qyzmeti alańyndaǵy halyq aldyndaǵy esep berý kezinde QR Aqparat jáne qoǵamdyq damý ministri Aida Balaeva aitty, dep habarlaidy Baq.kz portaly.
Ministr jastar jáne otbasy saiasaty mańyzdy baǵyttyń biri ekenin atap ótti.
Resmi statistika boiynsha qazir elimizde 3 million 765 myń jastar ókili bar. Bul halyqtyń 20,4%-yn quraidy. Sonymen qatar 500-den astam jastar uiymy qyzmet etedi.
Ókinishke qarai, byltyrǵy pandemiialyq shekteýlerge bailanysty birqatar joba toqtatylǵan bolatyn. Birazy onlain formatqa aýystyryldy. Degenmen negizgi josparly jumys saqtalyp, 22 áleýmettik joba iske asty. Onyń aiasynda 300 myńnan astam adamdy qamtyǵan 200-den astam is-shara uiymdastyryldy, - dedi Aida Balaeva.
Onyń sózinshe, osy kezeńdegi jumysta negizinen aqparattyq-keńes berýge basymdyq berildi.
Jastardy qoldaýǵa arnalǵan túrli memlekettik baǵdarlamalar, jobalar men bastamalar boiynsha 11 million adamǵa keshendi aqparattyq-túsindirý jumystary júrgizildi. Qazirgi tańda jastar jáne otbasy saiasaty baǵytynda 12 granttyq joba oryndalyp jatyr, - dep túsindirdi Aqparat jáne qoǵamdyq damý ministri.
Aita ketsek, jyl sońyna deiin taǵy 12 joba iske asyrylady.
