Jastar suranysqa ie mamandyqtar boiynsha kolledjderde tegin oqytýmen qamtamasyz etiledi. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy "Ult aqparat".
«Jastardyń áleýetin iske asyrý maqsatynda olardyń bilim alýy, jumys istep, baspanaly bolýy úshin, sondai-aq eldiń qoǵamdyq-saiasi ómirine aralasýy úshin jaǵdai jasalatyn bolady», - dedi A. Mamin.
Osy oraida ol kolledjderde tegin oqytý múmkindigi týraly aitty.
«Jastar suranysqa ie mamandyqtar boiynsha kolledjderde tegin oqytýmen qamtamasyz etiledi. Biyl tegin oqý múmkindigi 20 myń adamǵa beriledi, keiin jyl saiyn kvota ulǵaitylyp, 2025 jyly 50 myńǵa jetkiziledi», - dedi Úkimet basshysy.
