Foto: QyzPU
Qazaq ulttyq qyzdar pedagogikalyq ýniversitetinde Mentaldy densaýlyqty damytý ortalyǵynyń uiymdastyrýymen «Otbasyn josparlaý» taqyrybynda stýdentter arasynda aqparattyq-túsindirý kezdesýi ótkizildi, dep habarlaidy Ult.kz.
Shara 2025 jyldyń 12–16 mamyr aralyǵynda QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiiasynyń uiymdastyrýymen ótip jatqan Reprodýktivti densaýlyq aptalyǵy aiasynda uiymdastyryldy.
Kezdesýdiń maqsaty – jastar arasynda otbasyn josparlaý mádenietin qalyptastyrý, sanaly ata-ana bolýǵa psihologiialyq jáne áleýmettik turǵydan daiyn bolýǵa yqpal etý, sondai-aq jeke densaýlyqty saqtaý, balalardyń ál-aýqaty týraly mańyzdy aqparat berý.
Atalǵan sharanyń spikeri, Mentaldy densaýlyqty damytý ortalyǵynyń psihology Ámirova Kámshat Qarabekqyzy otbasyn josparlaýdyń tek meditsinalyq nemese materialdyq qana emes, psihologiialyq turǵydan da daiyndyqty talap etetin jaýapty protsess ekenin atap ótti. Ol bolashaq ata-analardyń emotsionaldyq turaqtylyǵy, qarym-qatynastaǵy senim men qoldaý, otbasy ishindegi róldik úilesimdilik jáne balany tárbieleýge degen ishki motivatsiianyń mańyzdylyǵyn sóz etti.
Kezdesý barysynda stýdentter ózderiniń jeke máselelerin ashyq aityp, kásibi psihologiialyq keńes aldy. Sonymen qatar otbasylyq qundylyqtar, jas juptardyń bir-birine psihologiialyq turǵydan qoldaý kórsetýi, stresske qarsy turý qabiletterin damytý týraly praktikalyq usynystar aityldy.
Shara sońynda stýdentterge arnalǵan aqparattyq-tanymdyq materialdar taratylyp, jaýapty qarym-qatynasty nasihattaityn paidaly derekter usynyldy.
Bul júieli psihologiialyq-aǵartýshylyq jumys jastardyń tulǵalyq jáne emotsionaldyq damýyna, jeke jáne otbasylyq jaýapkershilikti arttyrýǵa, sondai-aq deni saý jáne sanaly urpaq tárbieleý mádenietin qalyptastyrýǵa úlken úles qosty.
