Máskeý túbindegi Pýshkinskii aýdanynyń depýtaty Andrei Odintsov jasóspirimderge eskertý aitamyn dep, basy bálege qaldy, - dep habarlaidy Ura.ru.
Andrei Odintsov Eldigino aýylyndaǵy mektep stadionyn salyp jatqan merdigerlerdiń jumysyn baqylaýshy bolǵan. Osy kezde tribýnada dene shynyqtyrý sabaǵynan bosatylǵan birneshe oqýdy otyrǵan. Depýtat olardy shýlady dep, eskertý jasaǵan. Óz kezeginde balalar eshkimge kedergi keltirip otyrmaǵanyn aityp shyǵa kelgen, osy kezde Odintsov olardyń birine jaqyndaidy. Sonda balalardyń biri "Meni urasyz ba? Bul qylmys" deidi.
Depýtat bul sózge shydamai jasóspirimniń betinen shapalaqpen urady.
Oqiǵany kýágerler videoǵa túsirip alyp, dene shynyqtyrý pániniń oqytýshysyna shaǵymdanǵan.
Keiin depýtat mektep direktorymen de kelisimge kele almaǵan. Depýtat "jastarmen qalai jumys isteý kerektigin biletinin" jáne keshirim suramaitynyn málimdegen. Balanyń ata-anasy bolsa sotqa júginbek.
