Biz jazýshylardy qarańǵy bólmede jalǵyz otyryp shabyttanatyn, ideialarymen ońashada qalatyn adam retinde kóremiz. Biraq The New York Times basylymynyń jazýynsha, bul oiymyz jaqyn arada eski kúnniń elesindei buldyr paiymǵa ǵana ainalmaq. Maqalada Robin Sloýn esimdi jazýshy onyń sóilemderin aiaqtaityn baǵdarlama arqyly kitap jazyp jatqany aitylady.
«Romanist, prozaik, jazýshylardy da jasandy intellekt jumysynan aiyra alatyn mamandyq retinde qarastyra almaimyz. Degenmen, Sloýn myrzaǵa qarap baǵdarlamalar múmkindiginiń shyǵarmashylyqqa da kelgenin kóre alasyzdar. Ol kez kelgen jerde mátin fragmentterin ózine habarlama arqyly qysqa úlgide jiberip, uzaq mátin jazýǵa keiin kirisedi. Kiriskende de, ol sóz tirkesterin kompiýterge jazady. Arnaiy baǵdarlama óz kezeginde sóilemdi qalai qurastyrýǵa bolatynyn kórsetedi. Avtor «Bul fantastika. Men keide keremet sóz tirkesterin taba almas edim. Al kompiýter aldyńǵy sózderge analiz jasap, ózi usynady», deidi. Jáne bul onyń kóńilinen shyǵatyn kórinedi», dep jazylǵan maqalada.
Materialda osy baǵdarlamanyń jasandy intellekt ekeni jáne ol jazýshyǵa kómektesetini aitylady. «Hanter Tompson F. Skotta Fittsdjerald stilinde jazǵysy kelip, «Uly Getsbi» kitabyn birneshe ret kóshirip jazǵan. Iaǵni, burynǵy oqyrman keiin jazýshyǵa ainalady. Sloýn myrza da kóp oqyp, izdenip, kompiýterlik baǵdarlamalaýdyń múmkindikterin paidalanyp kórgisi kelgen.
Qytaidyń Alibaba elektrondy kommertsiialyq kompaniiasynyń ókilderi qańtar aiynda jahandyq analizde mátindi túsiný boiynsha adamnan da asyp túsetin baǵdarlama jasaǵanyn aitqan edi. Eger mashina oqi alsa, nege olarǵa mátin jazbasqa?», dep jazady basylym.
