بٸز جازۋشىلاردى قاراڭعى بٶلمەدە جالعىز وتىرىپ شابىتتاناتىن, يدەيالارىمەن وڭاشادا قالاتىن ادام رەتٸندە كٶرەمٸز. بٸراق The New York Times باسىلىمىنىڭ جازۋىنشا, بۇل ويىمىز جاقىن ارادا ەسكٸ كٷننٸڭ ەلەسٸندەي بۇلدىر پايىمعا عانا اينالماق. ماقالادا روبين سلوۋن ەسٸمدٸ جازۋشى ونىڭ سٶيلەمدەرٸن اياقتايتىن باعدارلاما ارقىلى كٸتاپ جازىپ جاتقانى ايتىلادى.
«رومانيست, پروزايك, جازۋشىلاردى دا جاساندى ينتەللەكت جۇمىسىنان ايىرا الاتىن ماماندىق رەتٸندە قاراستىرا المايمىز. دەگەنمەن, سلوۋن مىرزاعا قاراپ باعدارلامالار مٷمكٸندٸگٸنٸڭ شىعارماشىلىققا دا كەلگەنٸن كٶرە الاسىزدار. ول كەز كەلگەن جەردە مەتٸن فراگمەنتتەرٸن ٶزٸنە حابارلاما ارقىلى قىسقا ٷلگٸدە جٸبەرٸپ, ۇزاق مەتٸن جازۋعا كەيٸن كٸرٸسەدٸ. كٸرٸسكەندە دە, ول سٶز تٸركەستەرٸن كومپيۋتەرگە جازادى. ارنايى باعدارلاما ٶز كەزەگٸندە سٶيلەمدٸ قالاي قۇراستىرۋعا بولاتىنىن كٶرسەتەدٸ. اۆتور «بۇل فانتاستيكا. مەن كەيدە كەرەمەت سٶز تٸركەستەرٸن تابا الماس ەدٸم. ال كومپيۋتەر الدىڭعى سٶزدەرگە اناليز جاساپ, ٶزٸ ۇسىنادى», دەيدٸ. جەنە بۇل ونىڭ كٶڭٸلٸنەن شىعاتىن كٶرٸنەدٸ», دەپ جازىلعان ماقالادا.
ماتەريالدا وسى باعدارلامانىڭ جاساندى ينتەللەكت ەكەنٸ جەنە ول جازۋشىعا كٶمەكتەسەتٸنٸ ايتىلادى. «حانتەر تومپسون ف. سكوتتا فيتتسدجەرالد ستيلٸندە جازعىسى كەلٸپ, «ۇلى گەتسبي» كٸتابىن بٸرنەشە رەت كٶشٸرٸپ جازعان. ياعني, بۇرىنعى وقىرمان كەيٸن جازۋشىعا اينالادى. سلوۋن مىرزا دا كٶپ وقىپ, ٸزدەنٸپ, كومپيۋتەرلٸك باعدارلامالاۋدىڭ مٷمكٸندٸكتەرٸن پايدالانىپ كٶرگٸسٸ كەلگەن.
قىتايدىڭ Alibaba ەلەكتروندى كوممەرتسييالىق كومپانيياسىنىڭ ٶكٸلدەرٸ قاڭتار ايىندا جاھاندىق اناليزدە مەتٸندٸ تٷسٸنۋ بويىنشا ادامنان دا اسىپ تٷسەتٸن باعدارلاما جاساعانىن ايتقان ەدٸ. ەگەر ماشينا وقي السا, نەگە ولارعا مەتٸن جازباسقا?», دەپ جازادى باسىلىم.
