Qazaqstan Prezidenti Qasym-Jomart Toqaev Eýraziialyq ekonomikalyq odaq aiasynda jańa tehnologiialar jáne jasandy intellekt salasynda oqýshylar men stýdentter úshin joba jasaýdy usyndy, dep habarlaidy "Ult aqparat".
Memleket basshysy «Digital Almaty 2021» forýmyna qatysýshylarǵa beineúndeý jasaǵan edi.
«Jańa tehnologiialar men jasandy intelekt salasynda oqýshylar men stýdentter úshin memleketaralyq bilim berý bastamalaryn jasaý múmkindigin qarastyrýdy usynamyn. Qazaqstan Odaqqa tóraǵalyǵynyń basymdyǵy retinde jappai tsifrlandyrý men málimetter almasýdy jolǵa qoiýdy aiqyndap otyr. Biz atalǵan kúntártipti belsendi ilgeriletýge niettimiz jáne barlyq qatysýshy elderdiń ónimdi yntymaqtastyǵyna úmit artamyz», - dedi Qasym-Jomart Toqaev.
