Jasampazdyq jylnamasy. 2000 jyl

2000

*1 qańtarda Qazaqstan Prezidentiniń el halqyna jańa jyldyq quttyqtaýy «Egemen Qazaqstan» gazetinde jaryq kórdi. Quttyqtaýda: «Biz asa mándi tarihi paryzymyzdy ótei bildik. San ǵasyrlyq syndardan qaiyspai, azattyqty ańsaǵan halqymyz haqynda ádilettilikti qalpyna keltirip, bostandyqqa jetip, jańa myńjyldyqqa álemdik qoǵamdastyqtyń terezesi teń múshesi bolyp, qadam basqaly otyrmyz. Biz asa mándi azamattyq paryzymyzdy ótei bildik. Ózimizdiń arǵy-bergi babalarymyzdyń san urpaǵy armandap, sol jolda jan aiamai kúresken táýelsiz memleketimizdi qalpyna keltirdik», – dedi Elbasy Nursultan Nazarbaev.

*5 qańtarda Almatyda Ortalyq Aziia ekonomikalyq qoǵamdastyǵynyń birinshi sammiti ótti. Jiynda N.Á.Nazarbaevtyń Eýraziialyq keńistikti qalyptastyrýǵa bailanysty jobasy qoldaý tapty.

*17 qańtarda Prezidenttiń tóraǵalyq etýimen el táýelsizdiginiń 10 jyldyǵyna ázirliktiń barysyn talqylaǵan keńes ótti. Elbasy ár ministrlik pen vedomstvonyń, ár oblys pen ár aýdannyń táýelsizdik toiyna arnaiy baǵdarlamasy bolýy qajettigin atap kórsetti. Sondai-aq, Elbasy 10 jyldyqqa ázirlik dańǵazanyń dúrmegimen emes, el dáýletin eseleitin naqty eńbekpen ótýge tiistigin eskertti.

*27 qańtarda Premer-Ministr Q.Toqaev Davostaǵy Dúniejúzilik ekonomikalyq forýmnyń 31-otyrysyna qatysty. Forým aiasynda Q.Toqaev BUU Bas hatshysy Kofi Annanmen kezdesip, Qazaqstan Prezidentiniń jeke joldaýyn tapsyrdy. Sondai-aq, ol Dúniejúzilik saýda uiymynyń Bas direktory M.Mýrmen kezdesý barysynda DSU-ǵa múshe bolý Qazaqstannyń syrtqy saiasatyndaǵy basym baǵyt ekendigin jetkizdi.

*30 qańtarda Astanada ákimderdiń respýblikalyq keńesi bolyp ótti. Keńeste sóz sóilegen Prezident Nursultan Nazarbaev Táýelsizdiktiń on jyldyǵy qarsańynda ekonomikany órkendetý, halyqtyń turmysyn jaqsartý turǵysynda barlyq deńgeidegi ákimderdiń aldyna qoiylatyn mindetterdi saralap berdi. Bul týraly «Egemen Qazaqstan» gazetiniń 31 qańtardaǵy nómirinde Nursultan Nazarbaev aitqandai, «Táýelsizdikti nyǵaitý úshin kúres – elge tigen úles» taqyrybymen kólemdi maqala jaryq kórdi.

*20 aqpanda Prezident N.Á.Nazarbaev Kýala-Lýmpýrde Malaiziia Premer-ministri M.Mohamadpen kezdesti. Kezdesý barysynda taraptar ekijaqty yntymaqtastyq jáne halyqaralyq máseleler aiasynda sóz qozǵady.

*1 naýryzda Prezident Nursultan Nazarbaev 1 shildeden bastap elde qo­sym­sha qun salyǵy men áleý­mettik salyq stav­ka­sy­nyń tómendeitinin, al jeke tulǵalardan alyna­tyn salyqtyń tabys mól­sherine ekshelip esep­te­­letinin málimdedi. Bul ja­ǵymdy jańalyq qalyń kópshiliktiń, ásirese, otan­-
dyq kásipkerlerdiń kókei­i­n­degisin dóp basyp, re­for­malardyń jemisti bolaryna degen halyq senimin arttyra tústi.

*6 naýryzda «Moskov­skii komsomolets» gaze­tinde TMD elderindegi orta­­sha ailyq jalaqy kórsetkishterin AQSh dollaryna shaǵyp kórsetken diagramma jariialandy. Qazaqstandaǵy ortasha ailyq jalaqy TMD-daǵy 9 eldiń eń joǵarǵysy boldy.

*7 naýryzda Memleket basshysy jańadan daiyndalyp jatqan Salyq kodeksinde otandyq buqaralyq aqparat quraldaryna, salyqqa, ásirese, qosymsha qun salyǵyna (NDS) qatysty jeńildikterdi aiqyndaý jóninde Úkimetke tapsyrma berdi. BAQ-tyń ekonomikalyq turǵydan emin-erkin bolýy Qazaqstandaǵy baspasóz bostandyǵyn jan-jaqty nyǵaitýdyń eń basty sharty, – dep atap kórsetti Nursultan Nazarbaev.

*15-16 naýryz kúnderi Ekonomikalyq yntymaqtastyq uiymynyń Bas hatshysy A.Gavahi Qazaqstanda jumys saparymen boldy. Qonaqty Prezident N.Á.Nazarbaev jáne Premer-ministr Q.Toqaev qabyldady.

*30 naýryzda Nursultan Nazarbaevqa Halyqaralyq injenerler akademiiasynyń prezidentter keńesi bekitken «XX ǵasyrdyń asa kórnekti injeneri» qurmetti ataǵy berilgenin aiǵaqtaityn diplom men úlken altyn medal tabys etildi.

*2 sáýirde Qazaqstan Prezidenti Nursultan Nazarbaevtyń Norvegiia koroldigine resmi sapary bastaldy. Prezident Nursultan Nazarbaev pen premer-ministr Iens Stolpenberg munai-gaz sektoryn, ony tasymaldaý men tranzitteýdi, keme qurylysyn, jańa tehnologiialar salasyn, shaǵyn jáne orta biznesti basym baǵyttarda birlese damytýǵa ýaǵdalasty.

*4 sáýirde Prezident Nursultan Nazarbaev resmi saparmen Litva Respýblikasynyń astanasy Vilniýske keldi. Litva prezidenti Valdas Adamkýspen áńgime barysynda eki el yntymaqtastyǵyn sapalyq jańa deńgeige kóterýge alǵyshart jasaityn birqatar mańyzdy máseleler boiynsha ýaǵdalastyqqa qol jetkizildi.

*13 sáýirde Prezident Úkimet múshelerimen, oblys ákimderimen keńes ótkizdi. 2001 jylǵy birinshi toqsandaǵy jumystyń aldyn ala jasalǵan qorytyndylary týraly aita kelip, Elbasy ótken jyldyń birinshi toqsanymen salystyrǵanda ishki jalpy ónim 10 paiyzǵa, ónerkásip ónimin óndirý – 11,1 paiyzǵa, aýyl sharýashylyǵynyń jalpy ónimi – 4,6 paiyzǵa, negizgi qorǵa jumsalǵan investitsiia 25,6 paiyzǵa óskenin, osy úsh aidyń ishinde infliatsiia 2,5 paiyzdy quraǵanyn atap kórsetti. Bul týraly «Egemen Qazaqstan» gazetiniń 14 sáýir kúngi nómirinde «Tártip joq jerde tabys ta joq» taqyrybymen kólemdi maqala jaryq kórdi.

*14 sáýirde Almaty oblysynyń ákimshilik ortalyǵy Almaty qalasynan Taldyqorǵan qalasyna kóshirildi.

*26 sáýirde Ystanbulda túrki tildes memleketter basshylarynyń VII sammiti bastaldy. Sammitke Ázerbaijannyń, Qazaqstannyń, Qyrǵyzstannyń, Túrikmenstannyń, Túrkiianyń prezidentteri – Geidar Aliev, Nursultan Nazarbaev, Asqar Aqaev, Saparmurat Niiazov, Ahmet Nedjdet Sezer jáne Ózbekstan Parlamentiniń basshysy Erkin Halilov qatysty. Basqosýda Qazaqstan Prezidenti Nursultan Nazarbaev sóz sóiledi.