2017 jyldyń 2-8 qyrkúiek aralyǵynda Astanada Qazaqstan Respýblikasy Mádeniet jáne sport ministrliginiń qoldaýymen halyqaralyq EKSPO-2017 kórmesiniń mádeni baǵdarlamasy aiasynda Qazaqstan Teatrlary assotsiatsiiasy Jas rejisserlerdiń Qairat Súgirbekov atyndaǵy I Respýblikalyq forým-festivalin ótkizedi.
Jas rejisserler – qazaq teatrynyń erteńi. Ulttyq sahna óneriniń qulashyn keń jaiyp, álem aldynda tanylýy da jas býynnyń izdenisteri men umtylystarynan bastaý alady. Atalmysh óner merekesinde jas rejisserlerdiń, sheberlik saǵattarynan ótip, rýhani sabaq alyp, dúnietanymdarynyń ózgerip, ónerde ózgeshe jol, baǵyt baǵdar alary sózsiz.
Forým-festival jas teatr rejisserleriniń shyǵarmashylyǵyna jol ashyp, qazaq rejissýrasyn jańa esimdermen tolyqtyrýdy, sonymen qatar jas jáne tanymal teatr rejisserlerine pikirtalastar, lektsiialar, sheberlik-synyptary, seminarlar baǵdarlamalary arqyly bilim jáne kommýnikatsiia alańyn jasap, otandyq rejissýra óneriniń órisin keńeitýge múmkindik týǵyzady.
Sondai-aq, qazaqtyń jańashyl teatr rejisseri Qairat Súgirbekovtiń esimin este qaldyrý maqsatynda uiymdastyrylyp otyr. Sharanyń basty maqsaty talantty jas rejisserler shyǵarmashylyǵyna qoǵam men qalyń kópshiliktiń nazaryn aýdarý bolyp tabylady.
Forým-festivalge Respýblikamyzdaǵy 20-40 jas aralyǵyndaǵy jas rejisserler Elik Nursultan, Dáýren Sergazin, Dina Qunanbaiqyzy, Rústem Janyamanov, Bolat Abdrahmanov, Farhad Moldaǵaliev, Juldyzbek Jumanbai, Gúlnáz Qamysbaeva, Meiram Habibýllin, Aidyn Salbanovtar qatysady.
Alty kún boiy Astana qalasynyń qonaqtary men turǵyndary forým-festival barysynda M. Áýezov atyndaǵy Qazaq Memlekettik akademiialyq drama teatry, Ǵ.Músirepov atyndaǵy balalar men jasóspirimder teatry, Respýblikalyq akademiialyq nemis drama teatry, Astana Jastar teatry, Aqtóbe oblystyq Alaqai teatry, S.Muqanov atyndaǵy Soltústik Qazaqstan oblystyq qazaq drama teatry , Shyǵys Qazaqstan oblystyq Jastar teatry , A. I teatry, J.Shanin atyndaǵy oblystyq akademiialyq qazaq drama teatry , Almaty qalasy memlekettik qýyrshaq teatry, Atyraý oblystyq Mahambet Ótemisuly atyndaǵy qazaq drama teatrlarynyń qoiylymdaryn tamashalai alady.
Jastyqtyń jalyny, qiialdyń qanaty, táýekeldiń tuńǵiyǵy synǵa túsetin atalmysh forým-festivaldiń arqalaǵan júgi jeńil emes. Astanadaǵy alty kún – bolashaq rejissýra alyptarynyń qalyptasýyna sebepker bolady degen senimdemiz.
