«Jańa álemge jol salamyz». Búgin dál osyndai uranmen «Jas Otan» Jastar qanatynyń IV Sezi shymyldyq túrdi. Ashyq, zamanaýi, jańa formatta uiymdastyrylǵan is-sharanyń alǵashqy kúninde bes paneldik sessiia uiymdastyrylyp, «Rýhani jańǵyrý», «Tsifrly Qazaqstan», «Qazaqstanda jasalǵan»,«Bilim. Ǵylym. Innovatsiia» jáne «Salamatty ult» taqyryptarynda erkin pikir almasýlar ótti.
«Rýhani jańǵyrý» sessiiasyna qatysqan «Nur Otan» partiiasy Tóraǵasynyń Birinshi orynbasary Máýlen Áshimbaev Elbasynyń «Bolashaqqa baǵdar: rýhani jańǵyrý» baǵdarlamalyq maqalasyndaǵy basym baǵyttardyń mańyzyna erekshe toqtalyp ótti.
– «Rýhani jańǵyrý» baǵdarlamasyndaǵy barlyq basymdyq elimizdiń kemel keleshegine baǵyttalǵan. Sonyń ishinde latyn álipbiine kóshý baǵyty bizdi álemdik órkenietke, integratsiiaǵa odan ári jaqyndatyp, damýdyń jańa kezeńine bastaidy. Qoǵamdyq jáne gýmanitarlyq ǵylymdar boiynsha álemdegi eń jaqsy oqýlyqtardy ártúrli tilderden qazaq tiline aýdarýdy kózdeitin «Qazaq tilindegi 100 jańa oqýlyq» jobasy da jastarymyzdyń sapaly bilim alýyna baǵyttalǵan. Ár adamnyń ózinińtýǵan jeri men eliniń tarihyn, mádenietin, qundylyqtaryn dáripteýge úndeitin «Týǵan jer» baǵdarlamasynyń da mańyzy zor, – dedi Máýlen Áshimbaev.
Sonymen qatar partiia Tóraǵasynyń Birinshi orynbasary baǵdarlamalyq maqalada basymdyq berilgen «Qazaqstannyń kieli jerleriniń geografiiasy», «Qazaqstandaǵy 100 jańa esim», «Álemdik básekege qabilettilik» siiaqty baǵyttarǵa da erekshe nazar aýdardy.
Odan bólek, jariialanǵanyna bir jyl bolatyn baǵdarlama aiasynda aýqymdy jumystar atqarylǵanyn da tilge tiek etip, onyń bári ulttyq bolmysymyz ben ulttyq kodty saqtaýda airyqsha mánge ie ekenin jetkizdi.
– Elbasymyzdyń osyndai igi bastamalaryn júzege asyrýda jastardyń atqarar róli erekshe. Óitkeni bul bastamalardyń barlyǵy jas býynnyń jarqyn bolashaǵyna arnalǵan. Sondyqtan osy jolda kúsh biriktirip, judyryqtai jumylyp jumys isteiik, – dedi Máýlen Áshimbaev.
Sessiia barysynda Bilim jáne ǵylym vitse-ministri Ashat Aimaǵambetov rýhani jańǵyrý eń aldymen ulttyq qundylyqtardy dáripteý ekenin atap ótti.
«Ulttyq qundylyqtardy dáriptep, nasihattaýda bilim oshaqtarynyń róli erekshe. Sondyqtan bizdiń ministrlik tarapynan bul baǵytta aýyz toltyryp aitarlyqtai jumystar atqarylýda. Qazirgi tańda ár óńir ólketaný boiynsha óz oqýlyqtaryn daiyndap qoidy. Soǵan orai aldaǵy oqý jylynan bastap ol oqýlyq pán retinde mektep baǵdarlamasyna engizilmek», – dedi A.Aimaǵambetov.
Nazarbaev Ýniversitetinde ótken «Bilim. Ǵylym. Innovatsiia» sessiiasynda Bilim jáne ǵylym ministrliginiń jaýapty hatshysy Aryn Órsariev pen L.N.Gýmilev atyndaǵy Eýraziia Ulttyq ýniversitetiniń rektory Erlan Sydyqov jasotandyqtarmen kezdesti. Óz sózinde A.Órsariev Tórtinshi ónerkásiptik revoliýtsiia jaǵdaiyndaǵy adam kapitaly máselesine toqtaldy. Al ýniversitet rektory E.Sydyqov Prezidenttiń bes áleýmettik bastamasynyń bilim salasyna erekshe serpin bergenin aityp, taiaý jyldarda Eýraziia ulttyq ýniversitetiniń stýdentterine arnalyp bes jataqhana salý josparlanyp otyrǵanyn jetkizdi.
Ár paneldi sessiia jumysyna spiker retinde ortalyq memlekettik organ basshylary, belgili saiasattanýshylar men qoǵam qairatkerleri qatysty. Jastar da belsendilik tanytyp, óz pikirlerin erkin bildirdi.
Jalpy Sezge elimizdiń ár óńirinen kelgen 1500-den astam delegat qatysýda. Is-sharaaiasynda «Jas Otan conf» degen ataýmen konferentsiia uiymdastyrylyp, «Jas Otan» Jastar qanatynyń tóraǵasy Daniiar Súndetbaev atqarylǵan jumystar jóninde baiandama jasaǵanynda atap ótken jón. Sezd jumysy erteń ótetin Gala-forýmmen jalǵaspaq.
