«Respýblika-Aimaq-Damý» qoǵamdyq qorynyń prezidenti Ǵalym Baitoq «Jas Órken» respýblikalyq balalar syilyǵynyń aqtyq kezeńi bastalǵanyn jariialady, dep habarlaidy "Ult aqparat".
«2020 jyldyń 29 naýryzynda saǵat 22.00-de «Jas Órken» respýblikalyq balalar syilyǵyna daýys berýdiń aqtyq kezeńi bastaldy. Balalardyń basty syilyǵyn tabystaý ekinshi márte ótkizilgeli otyr. 2019 jyly Bas júldeni qazaqstandyq ánshi Erjan Maksim jeńip alǵan edi», - dep jazdy Facebook-tegi paraqshasynda Ǵalym Baitoq.
Syilyq 14 nominatsiia boiynsha tabystalady:
«Jas zertteýshi» (olimpiadalar men intellektýaldyq konkýrstardyń, ǵylymi jobalardyń jeńimpazdary);
«Jas daryn»;
«Jas tolaǵai»;
«Jas patriot»;
«Jas ekolog»;
«Jas qanat»;
«Jas bishi»;
«Jas qalam»;
«Jas blogger»;
«Úzdik erikti»;
«Jas aqyn»;
«Jas sýretshi»;
«Jas mýzykant»;
«Úzdik IT bastama».
«Ózińiz unatqan úmitkerge syilyqtyń resmi saitynda (lubimec.kz) daýys berýge bolady. Daýys berý tártibi qarapaiym. Ol úshin «Jas Órken» aidaryna kirip, «Daýys berý» bólimin basasyz. Onyń ishinde úmitkerdi tańdap alasyz. Keiin óz e-mail poshtańyzdy engizip, robot emes ekenińizdi aiǵaqtaisyz. Jiberilgen siltemege basyp, daýys beretinińizdi rastaisyz», - dep jazdy Ǵ.Baitoq.
Eske sala ketsek, «Jas Órken» respýblikalyq balalar syilyǵy daryndy balalarǵa biyl da beriletini jyl basynda jariialanǵan edi. Alǵashqy baiqaýdyń bas júldesin jas ánshi, 2019 jylǵy balalar Eýrovideniesiniń júldegeri Erjan Maksim jeńip alǵan bolatyn.
