Elimizde karantin áli jalǵasýda. Bul jaǵdai - mektepte jáne JOO-da bilim alatyn oqýshylar men stýdentter úshin oqýyn jalǵastyrý jolynda aitarlyqtai qiyndyq týdyryp otyr. Alaida osy qiyn kezde tabys ta taýyp, bilim salasyna óz múmkindikterin usynyp jatqan onlain platformalar paida boldy. Bizdiń búgingi keiipkerimiz - jas ta bolsa, kásiptiń jolyn erte bastaǵan Bógenbai Talasuly.
24 jasynda offlain bilim berý ortalyǵyn, onlain platforma da ashyp úlgergen jas kásipkerdiń oqýshylar men ata-analarǵa daiyndap jatqan taǵy bir jobasy bar eken. Osy oraida, onymen tanysyp, anyq-qanyǵyn bilý úshin biz kásipkerdiń ózine tikelei habarlastyq.
- Bógenbai myrza, siz týraly redaktsiia surastyryp kórgen edi, osyǵan deiin bilim ortalyǵyn ashyp, keiin offlain biznesti onlaiǵa aiyrbastaǵan ekensiz. Nege?
- Sebebi qarapaiym. Osy ýaqytqa deiin jasaǵan offlain formattaǵy oqý ortalyǵy bilim salasyndaǵy oqýshy suranysyn tolyq sheshe almaidy eken. Sondyqtan bizge osy onlain formatqa kóshý kerek degen oi keldi.
Qazaqstannyń kez kelgen jerindegi oqýshy úzdik ustazdardan túrli baǵytta bilim alýy kerek.
- Álemdik pandemiianyń áseri bilim salasyna, sonyń ishinde ózińiz sekildi qosymsha bilim beretin onlain platformalarǵa qalai áser etedi?
- Adymdap jetetin jerge sekirtip jetkizdi dep aitýǵa bolady. Basynda qinalǵanymen bári endi onlain formatta bilim alýǵa úirenip keledi.
Jalpy «onlain» degen túsinik jaqsy damyp keledi. Bill Geitstiń "sizdiń biznesińiz internertte joq bolsa, onda biznesińiz joq" degen zaman shynymen kelip qaldy dep aitýǵa bolady.
- Sizdiń jobańyzdyń ereksheligi nede? Nege «sabaq.online» dep atalady? Maqsaty men múddesi qandai?
- Maqsatymyz - sapaly bilimdi kez kelgen oqýshy úshin qol jetimdi etý. Úlken qalada turatyn oqýshylar úshin gimnaziia, litsei sekildi mektepter qoljetimdi. Al basqalar she? Biz bul bilimniń bárine birdei berilgenin qalaimyz jáne sol úshin bul jobany iske qosyp otyrmyz.
- Elimizdegi onlain platformalardyń kózdegeni tek aqsha emes pe? Sizdiń platformanyń oqýshy men ata-anaǵa, ustazǵa ne bere alady?
- Eger onlain bilim beretin platforma memlekettik baǵdarlama aiasynda emes, jeke kásip kózi retinde jasalsa, onda onyń aqsha tabýy zańdylyq. Ol – kásip.
Bizdiń jobanyń basty maqsaty – Qazaqstandaǵy 4% oqýshyǵa bilim berý. Eger bizde 4% oqýshy bilim alsa, ol úlken jetistik dep senemin. Ótirik oqyǵan jáne oqymaǵan oqýshylardy sanǵa qosyp, ózimizdi aldamai-aq shynymen 4 paiyz oqýshyǵa turaqty túrde bilim berip otyrsaq, biz úlken jumys atqardyq dep senimdi túrde aita alatyn edim.
- Týyp-ósken jerińiz, jalpy bilim alǵan ortańyz jaiynda aityp berseńiz?
- Men - Shymkent qalasynyń týmasymyn.
Oblystyq Daryn mektebin bitirdim. Mektep kezinen matematikaǵa ikemim jaqsy bolyp Halyqaralyq, Respýblikalyq olimpiadalardan júldeli oryndarǵa qol jetkizdim. Mektep kezindegi armanym Gilbert esepteriniń bireýin sheshý bolatyn. Biraq kásip jolymen kettik. Múmkin bizdiń platformadan bilim alǵan oqýshylar qol jetkizer ol armanǵa.
- «Jas kelse, iske» degen bar. Sizdiń kásip tek qana aqsha tabý emes, urpaqqa bilim berýdi kózdeidi. Qandai qiyndyqtarǵa tap boldyńyz, bólise otyrsańyz?
- Alǵash bastaǵan kezde jas kórip, birigip jumys isteýden qoryqqan muǵalimder bolǵany ras. Ózim de yńǵaisyzdanatyn edim. Keiin ýaqyt óte kele sózimizge emes, isimizge qarap senim bildire bastady.
- Ózińiz qatarly jastarǵa qandai usynys aitar edińiz? Qazir karantin kezinde jumys joq deitinder kóp. Jolyn qalai tapqan durys?
- Belgili bir aqyl aitatyn jasta emes ekenim anyq. Biraq mektep túlekterine aitarym, basqa qalaǵa oqýǵa ketý kerek, al stýdentterge onlain múmkindikterdi igergen durys dep oilaimyn. Bul - meniń osy jyldar ishinde kórgen tájiribemnen kelgen jeke oiym.
- Eń úlken qateligińiz jáne eń úlken jeńisińiz?
- Qatelik dep ókinetin eshtene joq sekildi. Kórgen qiyndyqtaryma shúkir aityp, qaita ornymnan turýǵa tyrysamyn.
Jetistik joly endi bastalady. Jeńistiń dámin sezinip te kórdim. Alaida ony ustap turý kerek. Sol úshin meniń endigi jetistigim - alǵa qoiǵan maqsatqa jetýim bolmaq.
- Suqbatyńyzǵa raqmet!
Ult portaly
