Ǵylym salasyn damytýda tyń tásilder kerek. Bul týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýynda málim etti, dep habarlaidy "Ult aqparat".
«Ǵylym salasyn damytý týraly da aitqym keledi. Bul máselede bizge tyń kózqaras pen jańa tásilder kerek. Sondai-aq halyqaralyq tájiribege arqa súieý qajet. Úkimetke jyl saiyn álemniń jetekshi ǵylymi ortalyqtarynda 500 ǵalymnyń taǵylymdamadan ótýin qamtamasyz etýdi, sondai-aq «Jas ǵalym» jobasy aiasynda zertteý júrgizý úshin 1 myń grant bólýdi tapsyramyn», - dedi Prezident.
