Birinshi jartyjyldyqta Ulttyq qordyń kiristilik kórsetkishi 2,6 paiyzǵa jetken, dep habarlaidy QazAqparat.
Úkimettiń keńeitilgen otyrysynda Ulttyq bank tóraǵasy Erbolat Dosaev osyndai aqparat berdi.
«Biyl birinshi jartyjyldyqta Ulttyq qordyń aktivteri biýdjetke 2,1 trln teńge somasynda transfertter bólý esebinen 57,5 mlrd AQSh dollaryna deiin tómendedi. Osy ýaqyttaǵy túsim 942 mlrd teńge boldy», - dedi Erbolat Dosaev.
Onyń aitýynsha, alǵashqy 6 aidaǵy naryqtardyń qubylmalyǵyna qaramastan, Ulttyq qordyń kiristiligi 2,5%-ǵa jetken. Jyl aiaǵyna deiin ósim 3 mlrd dollarǵa jetedi degen boljam bar.
«Altyn-valiýta rezervteri biylǵy jylǵy birinshi jartyjyldyqta 35,1 mlrd AQSh dollaryna deiin 580 mln AQSh dollaryna tómendedi. Altyn portfeli altyn baǵasynyń 7%-ten astam tómendeýi aiasynda, sondai-aq optsiondyq strategiialardy oryndaý sheńberinde altyndy satýǵa bailanysty 1,8 mlrd AQSh dollaryna qysqardy. Nátijesinde jalpy halyqaralyq rezervter altyn baǵasynyń qubylmalylyǵyna jáne respýblikalyq biýdjetke transfertterdi bólýine bailanysty 92,6 mlrd AQSh dollaryn qurady», - dedi Ulttyq bank tóraǵasy.
