Foto: pexels.com
Almaty qalasy prokýratýrasynyń qadaǵalaý aktisi boiynsha Mádeniet komiteti tóraǵasynyń orynbasary jaýaptylyqqa tartyldy, dep habarlaidy Ult.kz Bas prokýratýraǵa silteme jasap.
Almaty qalasynyń prokýratýrasy 2019-2023 jyldarǵa ulttyq kinony qoldaýǵa bólingen biýdjet qarajatyn igerý kezindegi zańdylyqtyń jai-kúiine tekserý júrgizgen.
"Ulttyq filmderdi qarjylandyrýdyń tiimsiz qarjylandyrylǵan faktileri anyqtaldy, onda ulttyq kinony qarjylandyrýdyń ekonomikalyq orynsyzdyǵymen bailanystyrylǵan. Mysaly, 2019-2021 jyldar kezeńinde "Vybor" kinofilmi ony túsirýdiń barlyq kezeńinde 500 mln teńge somasyna tolyq kólemde qarjylandyryldy. Alaida memleket tolyqtai qoldaǵanyna qaramastan, atalǵan film prokatqa sol kúii shyqpady", - delingen habarlamada.
Al «Kinematografiia týraly» Qazaqstan Respýblikasy zańynyń 12-baby 1-tarmaǵyna sáikes memlekettik qarjylyq qoldaý, ulttyq filmderdi jáne soǵan bailanysty is-sharalardy shyǵarýdy, prokattaýdy jáne kórsetýdi uiymdastyrý, sondai-aq ulttyq filmderdi shetelde kórsetý úshin usynylady eken.
Onyń ústine, atalǵan filmge prokattaý kýáligi alynbaǵan, bul Zańnyń 14-baby 1-tarmaǵyna qaishy keledi (ulttyq dep tanylǵan filmge ulttyq filmniń kýáligi beriledi).
Osylaisha memleket, zańnamada kózdelgen prokattan jáne film kórsetiliminen túsetin kiristiń 20 %-yn alý múmkindiginen aiyrylǵan.
Taǵy bir uqsas jait bolǵan: 421 mln teńge somaǵa qarjylandyrylǵan "Tyrnalar" filmi prokatqa shyqqpai qalǵan.
"2019 jyldan bastap filmder monitoringiniń biryńǵai avtomattandyrylǵan aqparattyq júiesi qoldanysqa engizilmegen, ol eldiń barlyq kinoteatrlarynda kinokórsetilimder men satylǵan biletter boiynsha, sondai-aq filmniń biýdjeti boiynsha statistikany qadaǵalaýǵa múmkindik berer edi.
Kinojobalarǵa obektivti irikteý júrgizilmeitin Saraptamalyq Keńestiń jumysy jekelegen narazylyqtardy týdyryp otyr, onyń ústine kinokompaniialardyń prodiýserleri, rejisserleri, akterleri, quryltaishylary bir ýaqytta Saraptamalyq Keńestiń músheleri bolyp, nátijesinde joba qarjylandyrylǵan, bul QR Úkimetiniń 15.03.2019 jylǵy №113 Qaýlysyna qaishy keledi", - delingen habarda.
Kórsetiletin orasan zor memlekettik qarjylyq qoldaýǵa qaramastan, kútiletin maqsattar men mindetterge qol jetkizilmegenine tekserý nátijeleri dálel, deidi vedomstvo ókilderi.
Qala prokýratýrasynyń qadaǵalaý aktisi boiynsha QR Mádeniet jáne aqparat ministrligi Mádeniet komiteti tóraǵasynyń orynbasary, sondai-aq "Ulttyq kinony qoldaý memlekettik ortalyǵy" KEAQ Basqarma tóraǵasynyń orynbasary tártiptik jaýaptylyqqa tartyldy.
