Almaty oblysyndaǵy Panfilov aýdanynyń ákimi Talǵat Ómiráliev 6 qańtar kúni Almatydaǵy búlikshiler qolynan qaza tapqan Jaiyq Adylqannyń ata-anasyna Prezident jarlyǵymen jetken III dárejeli «Aibyn» ordenin tapsyrdy, dep habarlaidy QazAqparat.
Eńbekshi aýylyndaǵy mádeniet úiinde Jaiyq Ýgýlhanulyn bir minýt únsizdikpen eske alǵan marqumnyń jaqyndary men týys, joldastary Jaiyqtyń jarqyn beinesi máńgi este qalatyn jetkizdi.
«Bul ordendi men emes balam ózi alýy kerek edi» dep egilgen ákesi Ýgýlhan Erenchiev barsha qoldaý kórsetip, qaiǵylarymen ortaqtasqan turǵyndarǵa alǵysyn bildirip, endi bundai jaǵdai bolmaýyn tiledi.
Jaiyq Adylqan 4-7 qańtar aralyǵynda QR UQK Shekara Akademiiasynyń kýrsanttarymen Almaty qalasyndaǵy strategiialyq mańyzdy nysandardy qorǵaýǵa qatysqan bolatyn. Kýrsanttarmen birge «Kóktóbe» telemunarasy da qorǵaidy. Osy qorǵanysta kýrsanttar búlikshilerdiń shabýylyna birneshe ret toitarys beredi. Alaida telemunara men akademiia arasyndaǵy urysta Jaiyq búlikshiler qolynan qaza tapqan bolatyn.
