الماتى وبلىسىنداعى پانفيلوۆ اۋدانىنىڭ ەكٸمٸ تالعات ٶمٸرەليەۆ 6 قاڭتار كٷنٸ الماتىداعى بٷلٸكشٸلەر قولىنان قازا تاپقان جايىق ادىلقاننىڭ اتا-اناسىنا پرەزيدەنت جارلىعىمەن جەتكەن III دەرەجەلٸ «ايبىن» وردەنٸن تاپسىردى, دەپ حابارلايدى قازاقپارات.
ەڭبەكشٸ اۋىلىنداعى مەدەنيەت ٷيٸندە جايىق ۋگۋلحانۇلىن بٸر مينۋت ٷنسٸزدٸكپەن ەسكە العان مارقۇمنىڭ جاقىندارى مەن تۋىس, جولداستارى جايىقتىڭ جارقىن بەينەسٸ مەڭگٸ ەستە قالاتىن جەتكٸزدٸ.
«بۇل وردەندٸ مەن ەمەس بالام ٶزٸ الۋى كەرەك ەدٸ» دەپ ەگٸلگەن ەكەسٸ ۋگۋلحان ەرەنچيەۆ بارشا قولداۋ كٶرسەتٸپ, قايعىلارىمەن ورتاقتاسقان تۇرعىندارعا العىسىن بٸلدٸرٸپ, ەندٸ بۇنداي جاعداي بولماۋىن تٸلەدٸ.
جايىق ادىلقان 4-7 قاڭتار ارالىعىندا قر ۇقك شەكارا اكادەميياسىنىڭ كۋرسانتتارىمەن الماتى قالاسىنداعى ستراتەگييالىق ماڭىزدى نىسانداردى قورعاۋعا قاتىسقان بولاتىن. كۋرسانتتارمەن بٸرگە «كٶكتٶبە» تەلەمۇناراسى دا قورعايدى. وسى قورعانىستا كۋرسانتتار بٷلٸكشٸلەردٸڭ شابۋىلىنا بٸرنەشە رەت تويتارىس بەرەدٸ. الايدا تەلەمۇنارا مەن اكادەمييا اراسىنداعى ۇرىستا جايىق بٷلٸكشٸلەر قولىنان قازا تاپقان بولاتىن.
