Jarkentte Abaidyń 175 jyldyǵyna «Abai taǵylymy jáne urpaq tárbiesi» atty taqyrypta onlain shara ótti, dep habarlaidy "Ult aqparat".
Uly Abaidyń bilim men ǵylymǵa, óner men eńbekke úndegen aqyl-ósietke toly jyrlary men qara sózderin urpaq sanasyna sińirýdi maqsat etken bul vebinardy Jarkent joǵary gýmanitarlyq-tehnikalyq qolledjiniń direktory B. Saýranbaeva kirispe sóz sóilep ashty.
Úsh baǵyt boiynsha ótken sharanyń «Abai muralarynyń pedagogikalyq qundylyǵy» atty birinshisinde kolledj direktorynyń ǵylymi ádistemelik ister jónindegi orynbasary K. B. Qurabaldieva men kolledjdegi qazaq tili men ádebietiniń magistri, «Abaitaný» úiirmesiniń jetekshisi R. Qojabergenova, al, «Abaidyń «Tolyq adam» tujyrymdamasy» ekinshi baǵyty boiynsha Taldyqorǵan qalasyndaǵy I. Jansúgirov atyndaǵy Jetisý memlekettik ýniversitetiniń oqytýshysy, filologiia ǵylymdarynyń kandidaty S.Q. Qojaǵulov, osy joǵarǵy oqý ornynyń doktaranttary M.B.Tumanbaeva men E.Sovet, «Abaidy bilmek paryz oily jasqa» atty úshinshi baǵyt boiynsha abaitanýshy, aqyn, Qazaqstan Jazýshylar odaǵynyń múshesi Almahan Muhamedqaliqyzy, «Jidebai-Bórili» memlekettik tarihi-mádeni jáne ádebi memorialdyq qoryq mýzeiiniń direktory, filologiia ǵylymdarynyń kandidaty Shańbai Turdyqul Qasenuly taǵylymy tereń sóz sóilep, qoiylǵan suraqtarǵa jaýap berdi.
Shara sońynda kolledj stýdentteri uly aqynnyń óleńderin naqyshyna keltire oqyp, ásem ánderin asqaqtata shyrqady.
