جاركەنتتە ابايدىڭ 175 جىلدىعىنا «اباي تاعىلىمى جەنە ۇرپاق تەربيەسٸ» اتتى تاقىرىپتا ونلاين شارا ٶتتٸ, دەپ حابارلايدى "ۇلت اقپارات".
ۇلى ابايدىڭ بٸلٸم مەن عىلىمعا, ٶنەر مەن ەڭبەككە ٷندەگەن اقىل-ٶسيەتكە تولى جىرلارى مەن قارا سٶزدەرٸن ۇرپاق ساناسىنا سٸڭٸرۋدٸ ماقسات ەتكەن بۇل ۆەبيناردى جاركەنت جوعارى گۋمانيتارلىق-تەحنيكالىق قوللەدجٸنٸڭ ديرەكتورى ب. ساۋرانباەۆا كٸرٸسپە سٶز سٶيلەپ اشتى.
ٷش باعىت بويىنشا ٶتكەن شارانىڭ «اباي مۇرالارىنىڭ پەداگوگيكالىق قۇندىلىعى» اتتى بٸرٸنشٸسٸندە كوللەدج ديرەكتورىنىڭ عىلىمي ەدٸستەمەلٸك ٸستەر جٶنٸندەگٸ ورىنباسارى ك. ب. قۇرابالديەۆا مەن كوللەدجدەگٸ قازاق تٸلٸ مەن ەدەبيەتٸنٸڭ ماگيسترٸ, «ابايتانۋ» ٷيٸرمەسٸنٸڭ جەتەكشٸسٸ ر. قوجابەرگەنوۆا, ال, «ابايدىڭ «تولىق ادام» تۇجىرىمداماسى» ەكٸنشٸ باعىتى بويىنشا تالدىقورعان قالاسىنداعى ٸ. جانسٷگٸروۆ اتىنداعى جەتٸسۋ مەملەكەتتٸك ۋنيۆەرسيتەتٸنٸڭ وقىتۋشىسى, فيلولوگييا عىلىمدارىنىڭ كانديداتى س.ق. قوجاعۇلوۆ, وسى جوعارعى وقۋ ورنىنىڭ دوكتارانتتارى م.ب.تۇمانباەۆا مەن ە.سوۆەت, «ابايدى بٸلمەك پارىز ويلى جاسقا» اتتى ٷشٸنشٸ باعىت بويىنشا ابايتانۋشى, اقىن, قازاقستان جازۋشىلار وداعىنىڭ مٷشەسٸ الماحان مۇحامەدقاليقىزى, «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي مەموريالدىق قورىق مۋزەيٸنٸڭ ديرەكتورى, فيلولوگييا عىلىمدارىنىڭ كانديداتى شاڭباي تۇردىقۇل قاسەنۇلى تاعىلىمى تەرەڭ سٶز سٶيلەپ, قويىلعان سۇراقتارعا جاۋاپ بەردٸ.
شارا سوڭىندا كوللەدج ستۋدەنتتەرٸ ۇلى اقىننىڭ ٶلەڭدەرٸن ناقىشىنا كەلتٸرە وقىپ, ەسەم ەندەرٸن اسقاقتاتا شىرقادى.
