Qazaqstandaǵy adam quqyqtary jónindegi ýákil Elvira Ázimova qańtar oqiǵasy kezinde qaza bolǵandardyń jaqyndaryna sot protsesterine qatysýǵa barynsha múmkindik berilýi kerektigin málim etti, dep habarlaidy QazAqparat.
«Qamaýǵa alynǵandardyń báriniń ústinen kúzetpen ustaý sharasy 2 ai merzimmen belgilengen. Negizgi aiyptaýlardy boldyrmaý úshin qazir jan-jaqty ári sapaly tergeý júrgizýdiń mańyzy óte zor. Jappai tártipsizdikter týraly sot saralaýlary ashyq bolýy kerek», - dedi ýákil «Habar 24» telearansynda ótken brifingide.
Sondai-aq, ol oqiǵa kezinde aqaza bolǵandar atalmysh ister boiynsha ótetin sot protsesterine kedergisiz qatysa alýy qajettigin basa aitty.
«Qańtar oqiǵasy kezinde qaza bolǵandardyń jaqyndaryna sot protsesterine qatysýǵa barynsha múmkindik berilýi kerek. Biz jabyq mekemelerde áli de monitoring júrgize beremiz jáne azamattardyń ótinishterin de qadaǵalap otyramyz. Tipti sot saralaýlaryna deiin qadaǵalaimyz», - dedi Adam quqyqtary jónindegi ýákil.
