Bas prokýratýranyń keńeitilgen alqa otyrysynda qańtar oqiǵasy kezinde jappai tártipsizdikter boiynsha 3502 qylmystyq is tergelip jatqany aityldy, dep habarlaidy QazAqparat.
Bas prokýratýranyń Qylmystyq qýdalaý qyzmetiniń bastyǵy Serik Shalabaev óz kezeginde: «Jappai tártipsizdikter kezinde jáne odan keiin ustalǵan tulǵalardyń quqyqtarynyń saqtalýyn Bas prokýratýra erekshe baqylaýda. Búgingi tańda azaptaý jáne qyzmettik ókilettikti asyra paidalaný boiynsha 203 qylmystyq is qozǵalǵan, olardyń ishindegi eń rezonanstylaryn arnaiy prokýrorlar tergeýde. Sotqa deiingi tergep-tekserý barysynda ustalǵandarǵa qatysty zańsyz tergeý ádisterin qoldandy degen kúdikpen 9 qyzmetker anyqtalyp, ustaldy», - dep atap ótti.
Shalabaevtyń aitýynsha, qańtardaǵy qaiǵyly oqiǵanyń nátijesinde tergeý-jedel toptary terrorizm aktileri, kisi óltirý, qarý urlaý jáne jappai tártipsizdikter boiynsha 3502 qylmystyq isti tergeýde. Olardy boiynsha 737 kúdikti adam tergeý izoliatorynda qamaýda.
