Jappai tártipsizdik kezinde kelgen shyǵyn 88 mlrd teńgeden asty. Bul týraly IIM tergeý departamentiniń bastyǵy Sanjar Ádilov aitty, dep habarlaidy QazAqparat.
Ishki ister ministrligi qaiǵyly qańtar oqiǵasyn tergeýge belsendi qatysyp jatyr. Búginde jappai tártipsizdik kezinde zardap shekken nysandar sany 1 573-ke jetti.
«Atalǵan statistika zardap shekken azamattardyń ótinishine bailanysty birshama artty. Ol tergeýshilerdiń tekserýi jáne zaqymdalǵan nysandardy tirkeý arqyly rastaldy», - dedi ol ortalyq kommýnikatsiialar qyzmetindegi brifing barysynda.
Onyń atap ótýinshe, eń kóp zardap shekken - biznes nysandary.
«Olardyń sany 1 502-ge jetti. Basym bóligi dúkender, lombardtar, janarmai quiý stantsiialary men qoǵamdyq tamaqtaný oryndary, sondai-aq tolyqtai tonalǵan ańshylyq dúkender quraidy. Zaqymdalǵan nemese joiylǵan avtokólikter sany da artyp, 765 birlikke jetti. Onyń ishinde 551 qyzmettik politsiia kóligi jáne 124 qarapaiym azamattarǵa tiesili kólik quraldary. Jalpy málim bolǵan shyǵyn 88 mlrd teńgeden asty», - dep atap ótti Sanjar Ádilov.
