Qazaqstan Prezidenti Qasym-Jomart Toqaev «Marýbeni» saýda kompaniiasynyń vitse-tóraǵasy Shigerý Iamazoeni qabyldady, dep habarlaidy "Ult aqparat" Aqordaǵa silteme jasap.
Memleket basshysy japondyq saýda kompaniiasynyń tabysty qyzmet atqaryp jatqanyn atap ótip, Sheteldik investorlar keńesiniń plenarlyq otyrysyna qatysatynyna rizashylyǵyn bildirdi.
– Bizdiń Japoniiamen atom energiiasyn beibit maqsatta paidalaný jónindegi yntymaqtastyǵymyzǵa biyl 25 jyl toldy. Biz osy aralyqta qarym-qatynastardy jan-jaqty keńeitip ári nyǵaita aldyq. Sonyń ishinde, ekijaqty tiimdi saýda-ekonomikalyq bailanysymyz artty. «Marýbeni» kompaniiasy Qazaqstan naryǵynda 1993 jyldan beri tabysty jumys istep keledi, – dedi Qasym-Jomart Toqaev.
Shigerý Iamazoe Qazaqstan men Japoniia arasyndaǵy qarym-qatynastardyń negizin salǵan QR Tuńǵysh Prezidenti Nursultan Nazarbaevtyń eńbegin erekshe atap ótip, Memleket basshysy Qasym-Jomart Toqaevtyń barlyq saladaǵy ekijaqty yntymaqtastyqty odan ári jalǵastyratynyna senim bildirdi.
– Biz 30 jylǵa jýyq Qazaqstan naryǵynda jumys istep kelemiz. Osy aralyqta biz infraqurylym, energetika, kólik salalaryna aralasyp, Nur-Sultan qalasynyń áýejai qurylysyna da qatystyq. Sonymen qatar, biz 2007 jyldan beri eki el dostyǵynyń simvoly ispettes – «Horasan» jobasyna da qatysyp kelemiz, – dedi Shigerý Iamazoe.
