QR Aýyl sharýashylyǵy ministrligi Qazaqstannan qai elderge et eksporty boiynsha kelisimder bar ekeni týraly aitty, dep habarlaidy "Ult aqparat".
Et ónimderi jáne et shikizatyn eksporttaý kelesi úshinshi elderge júzege asyrylady:
Birikke Arab Ámirlikterine iri qara jáne usaq maldan alynǵan et jáne et ónimderiniń jáne úi qustarynyń eksporty ashyldy. Osy oraida BAÁ-ge qyzyl et pen qus etin eksporttaýǵa quqyǵy bar tizilimge «Abai» JShS (Pavlodar oblysy), «Pervomaiskie delikatesy» JShS jáne «Merke et kombinaty» JShS (Jambyl oblysy) engizilgen.
Iranǵa muzdatylǵan jáne salqyndatylǵan qoi eti sondai-aq vakýýmdyq qaptamada qaptalǵan muzdatylǵan siyr eti jáne salqyndatylǵan siyr eti tasymaldanady.
Budan bólek, 2019 jylǵy 14 mamyrda Qytai Halyq Respýblikasynyń Bas keden basqarmasy óziniń internet-resýrsynda siyr etin QHR-ǵa eksporttaýǵa quqyǵy bar 4 qazaqstandyq kásiporyndy qosý týraly aqparatty ornalastyrdy. Qazirgi ýaqytta QR AShM qazaqstandyq et óńdeý kásiporyndarynyń tizimin keńeitý boiynsha belsendi jumys júrgizýde.
Sonymen qatar, muzdatylǵan qoi etin QHR-ǵa eksporttaý quqyǵy bar kásiporyndardyń tizilimine 4 kásiporyn engizilgen.
«Qazaqstan Aýyl sharýashylyǵy ministrligi júrgizgen eki jyldyq jumys qorytyndysy boiynsha, Japoniianyń aýyl, orman jáne balyq sharýashylyǵy ministrligimen birlesip, Qazaqstan Respýblikasynan Japoniiaǵa jylqy soiý jáne óńdeý kezinde alynǵan etti, et shikizatyn jáne sýbónimderdi eksporttaýǵa veterinariialyq sertifikat kelisildi ári qol qoiyldy. Japoniianyń aýyl, orman jáne balyq sharýashylyǵy ministrligi ministrlikti 2020 jylǵy 25 mamyrdan bastap Qazaqstan Respýblikasynan Japoniiaǵa jylqy eti eksportynyń ashylǵany týraly resmi túrde habardar etti», - delingen QR Aýyl sharýashylyǵy ministrliginiń «QazAqparattyń» saýalyna orai berilgen jaýapta.
Japon tarapymen qol jetkizilgen ýaǵdalastyqtar aiasynda Ministrlik Japoniia naryǵyna jylqy etin eksporttaýǵa múddeli 34 qazaqstandyq et óńdeý kásiporynynyń tizimin resmi túrde jiberdi.
Qazaqstan Respýblikasynyń 13 óńirinen (Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanai, Pavlodar oblystary jáne Almaty men Shymkent qalalary) qazaqstandyq kásiporyndar Japoniiaǵa jylqy etin jetkizýdi josparlap otyr.
Eýraziialyq ekonomikalyq odaqqa múshe memleketterge toqtalsaq, et pen et shikizaty jáne daiyn et ónimderiniń eksporty Keden odaǵy komissiiasynyń 2010 jylǵy 18 qarashadaǵy №455 sheshimimen bekitilgen Veterinariialyq sertifikattardyń biryńǵai nysandarynyń súiemeldeýimen Keden odaǵy Komissiiasynyń 2010 jylǵy 18 maýsymdaǵy № 317 sheshimimen bekitilgen Taýarlardyń baqylaýdaǵy veterinariialyq baqylaýyna qoiylatyn biryńǵai veterinariialyq talaptarǵa sáikes júzege asyrylady.
Munymen qosa, et jáne et ónimderin TMD-ǵa múshe memleketterge eksporttaý 1993 jylǵy 12 naýryzda qol qoiylǵan veterinariia salasyndaǵy yntymaqtastyq týraly kelisim aiasynda júrgiziledi.
