Japoniia úkimeti jańa koronavirýstyń taralýyn toqtatý úshin jalpyulttyq tótenshe jaǵdaidy shamamen taǵy bir aiǵa uzartý týraly máseleni qarastyrýda, dep habarlaidy Kyodo agenttigi.
Beisenbi kúni úkimettik derekkózder habarlaǵandai, 7 sáýirde eldiń premer-ministri Sindzo Abe Tokioda, Osaka men basqa da bes prefektýrada 6 mamyrǵa deiin tótenshe jaǵdai engiziletindigi týraly jariialaǵan. Óitkeni osy aýdandarda aýrý juqtyrǵandar sany kúrt ósken.
Sáýir aiynyń sońynda bastalatyn Golden Week (Altyn apta) merekesi qarsańynda 16 sáýirde eldiń barlyq 47 aimaǵynda tótenshe jaǵdai rejimi engizilgen bolatyn. Osy ýaqytta kóptegen japon azamattary úilerine qaitatyn ia bolmasa saiahatqa attanatyn. Altyn apta – Shyǵys Aziia elderinde demalys kúnderimen biriktirilgen birneshe merekelik kúnniń ataýy.
Tótenshe jaǵdai kezinde jergilikti bilik turǵyndardan qajetsiz serýennen bas tartýdy surady, al keibir kompaniialarǵa jumysyn toqtatýdy usyndy.
Úkimet tótenshe jaǵdai eldiń barlyq aimaǵynda óz kúshinde qalýy kerek dep sanaidy. Óitkeni tótenshe jaǵdaidyń birtindep alynyp tastalýy belgili bir aýdandarda adamdar top bolyp jinalýyna ákelip, infektsiianyń taralý qaýpin arttyrady.
Prefektýralardyń gýbernatorlary 6 mamyrda aiaqtalatyn demalys maýsymynan keiin tótenshe jaǵdaidy uzartýǵa shaqyrdy.
Búginde Japoniiada virýs juqtyrýdyń 14 800-ge jýyq jaǵdaiy rastalǵan, onyń ishinde 700-i – aqpan aiynda Tokioda karantinge jiberilgen Diamond Princess krýiz laineriniń jolaýshysy. Virýstan qaitys bolǵandar sany 450 adamǵa jetti.
