جاپونييا ٷكٸمەتٸ جاڭا كوروناۆيرۋستىڭ تارالۋىن توقتاتۋ ٷشٸن جالپىۇلتتىق تٶتەنشە جاعدايدى شامامەن تاعى بٸر ايعا ۇزارتۋ تۋرالى مەسەلەنٸ قاراستىرۋدا, دەپ حابارلايدى Kyodo اگەنتتٸگٸ.
بەيسەنبٸ كٷنٸ ٷكٸمەتتٸك دەرەككٶزدەر حابارلاعانداي, 7 سەۋٸردە ەلدٸڭ پرەمەر-مينيسترٸ سيندزو ابە توكيودا, وساكا مەن باسقا دا بەس پرەفەكتۋرادا 6 مامىرعا دەيٸن تٶتەنشە جاعداي ەنگٸزٸلەتٸندٸگٸ تۋرالى جارييالاعان. ٶيتكەنٸ وسى اۋدانداردا اۋرۋ جۇقتىرعاندار سانى كٷرت ٶسكەن.
سەۋٸر ايىنىڭ سوڭىندا باستالاتىن Golden Week (التىن اپتا) مەرەكەسٸ قارساڭىندا 16 سەۋٸردە ەلدٸڭ بارلىق 47 ايماعىندا تٶتەنشە جاعداي رەجيمٸ ەنگٸزٸلگەن بولاتىن. وسى ۋاقىتتا كٶپتەگەن جاپون ازاماتتارى ٷيلەرٸنە قايتاتىن يا بولماسا ساياحاتقا اتتاناتىن. التىن اپتا – شىعىس ازييا ەلدەرٸندە دەمالىس كٷندەرٸمەن بٸرٸكتٸرٸلگەن بٸرنەشە مەرەكەلٸك كٷننٸڭ اتاۋى.
تٶتەنشە جاعداي كەزٸندە جەرگٸلٸكتٸ بيلٸك تۇرعىنداردان قاجەتسٸز سەرۋەننەن باس تارتۋدى سۇرادى, ال كەيبٸر كومپانييالارعا جۇمىسىن توقتاتۋدى ۇسىندى.
ٷكٸمەت تٶتەنشە جاعداي ەلدٸڭ بارلىق ايماعىندا ٶز كٷشٸندە قالۋى كەرەك دەپ سانايدى. ٶيتكەنٸ تٶتەنشە جاعدايدىڭ بٸرتٸندەپ الىنىپ تاستالۋى بەلگٸلٸ بٸر اۋدانداردا ادامدار توپ بولىپ جينالۋىنا ەكەلٸپ, ينفەكتسييانىڭ تارالۋ قاۋپٸن ارتتىرادى.
پرەفەكتۋرالاردىڭ گۋبەرناتورلارى 6 مامىردا اياقتالاتىن دەمالىس ماۋسىمىنان كەيٸن تٶتەنشە جاعدايدى ۇزارتۋعا شاقىردى.
بٷگٸندە جاپونييادا ۆيرۋس جۇقتىرۋدىڭ 14 800-گە جۋىق جاعدايى راستالعان, ونىڭ ٸشٸندە 700-ٸ – اقپان ايىندا توكيودا كارانتينگە جٸبەرٸلگەن Diamond Princess كرۋيز لاينەرٸنٸڭ جولاۋشىسى. ۆيرۋستان قايتىس بولعاندار سانى 450 ادامعا جەتتٸ.
