Japoniia úkimeti koronavirýstyń taralýyna bailanysty tótenshe jaǵdai rejimi engizilgen aimaqty keńeitip, oǵan eldiń túrli aýdandaryndaǵy taǵy jeti prefektýrany qosty, dep habarlaidy "Ult aqparat".
Bul týraly sársenbide infektsiianyń taralýyna qarsy kúres jónindegi úkimettik shtabtyń otyrysynda Japoniianyń premer-ministri Iosihide Sýga málimdedi.
Endi «qaýipti aimaq» tizimine eldiń batysyndaǵy Osaka, Hiogo, Kioto, ortalyqtaǵy Gifý jáne Aiti, ońtústik-batystaǵy Fýkýoka, sondai-aq batys aimaqtaǵy Totigi prefektýralary kirdi. Bul jerlerde shekteý 7 aqpanǵa deiin engizilgen.
«Biz eldiń birqatar aýdandarynda koronavirýs juqtyrý sanynyń kóptigine bailanysty qatty alańdap otyrmyz. Osyǵan orai, sondai-aq sarapshylarmen keńes júrgizý qorytyndylary boiynsha TJ rejiminiń aimaǵyn keńeitý sheshimi qabyldandy», - dedi Sýga NHK telearnasy transliatsiialaǵan otyrys kezinde.
Japoniiada 47 prefektýranyń 12-sinde TJ rejimi engizilgen, oǵan Úlken Tokionyń aýmaǵy da kirip otyr. Osy aimaqtarda shamamen 73 mln adam turyp jatyr, bul el turǵyndarynyń jartysynan astamyn quraidy.
